Matthew 9:20 Cross References - WestSaxon990

²⁰ & þa än wif þe þolode blod-ryne twelf gear genealæhte wið-æftan. & æt-hran hys reafes fnæd.

³⁶ & hyne bædon þt hig huru-þinga his reafes fnæd æthrinon & swa hwylce his æthrinon wurdon hale.

⁵ Ealle heora worc hig doð þt menn hi geseon; Hig to-brædað hyra heals-bæc & mærsiað heora reafa fnadu;

²⁵ & þa þt wïf ðe on blodryne twelf winter wæs. ²⁶ & fram manegum læcum fela þinga þolode. & dælde eall þt heo ahte. & hit naht ne fremode. ac wæs þe wyrse; ²⁷ Þa heo be ðam hælende gehyrde heo com wið-æftan þa menigu & his reaf æt-hrän; ²⁸ Soðlice heo cwæð gif ic fürþon his reafes æt-hrïne ic beo häl; ²⁹ And þa sona wearð hyre blodes ryne adruwod. & heo on hire gefredde þt heo of þam wïte gehæled wæs; ³⁰ And þa se hælend on-cneow on him sylfum þt him mægen of-eode. he cwæð bewend to þære menigu; Hwa æthran mines reafes. ³¹ þa cwædon his leorning-cnihtas þu ge-syxst þas menigu þe ðringende. & þu cwyst hwa æt-hran me; ³² And þa beseah he hine þt he ge-sawe þæne ðe þt dyde; ³³ Ðat wïf þa ondrædende & forhtigende com & astrehte hi be-foran him & sæde him eall þt riht; ³⁴ Þa cwæð se hælend. dohtor þin geleafa þe hale gedyde. ga þe on sibbe & beo of ðisum hal; ³⁵ Him þa gyt sprecendum hi comon fram þam heah-gesamnungum & cwædon; Ðïn dohtor is dead. hwi drecst þu leng þone lareow; ³⁶ Þa he ge-hyrde þt word þa cwæð se hælend ne ondræd þu ðe gelyf for än; ³⁷ And he ne lët him ænigne fyligean. buton petrum. & iacobum. & iohannem. Iacobes broðor ³⁸ & hi comon on þæs heah-ealdres hus. & he ge-seah mycel gehlyd wepende & geomriende; ³⁹ And þa he ineode he [quoth]. hwi synd ge gedrefede & wepað. nis þis mæden na dead ac heo slæpð; ⁴⁰ Ða tældon hi hine; He þa eallum üt adrifenum. nam petrum & þæs mædenes modor. & þa ðe mid him wæron. & inn-eodon suwiende þar þt mæden wæs. ⁴¹ & hire hand nam & cwæð. thalim-tha cumi. þt is on ure geþeode gereht. mæden þe ic secge arïs; ⁴² & heo sona aras & eode; Soðlice heo wæs twelf wintre. & ealle hi wundredon mycelre wundrunge. ⁴³ & he him þearle bebead þt hi hyt nanum men ne sædon & he het hire etan syllan;

⁵⁶ And swa hwar swa he on wïc oþþe on tünas eode. on stræton hi þa untruman ledon. & hine bædon þt hi huru his refes fnæd æt-hrinon. & swa fela swa hine æt-hrinon hi wurdon hale.

²² And hi comon þa to bedzaida & hi brohton him þa ænne blindne & hine bædon þt he hine æthrine.

⁴³ Ða wæs sum wïf on blod-ryne twelf gër; Seo for-dælde on læcas eall þt heo ahte. & ne mihte þeah of ænegum beon ge-hælyd; ⁴⁴ Ða ge-nealæhte heo wið-æftan & æt-hrän hys reafes fnæd. Ða æt-stod sona þæs blodes ryne; ⁴⁵ Þa cwæð se hælend. hwæt is se ðe me æt-hrän; Ða hig ealle æt-socon. þa cwæð petrus & þa ðe mid him wæron; Eala hlaford. þas menegeo þe ðringað & geswencað. & þu segst hwa hwa æt-hran me; ⁴⁶ Þa cwæþ he sum me æt-hran. ic wiste. þt mægen of me eode; ⁴⁷ Ða þt wïf geseah þt hit him næs dyrne. heo com forht & astrehte hïg to his fotum & ge-swutulude beforan eallum folce. for hwylcum þinge heo hit æt-hrän. & hu heo wearð sona häl; ⁴⁸ Þa cwæð he to hyre; Dohtor þin geleafa þe hale gedyde. ga nü on sybbe; ⁴⁹ Him þa gyt specendum. þa com sum man to þære gesamnunge ealdre & cwæð to him. ne drece þu hyne; ⁵⁰ Þa se hælend þt word gehyrde he &swarude þæs mædenes fæder; Ne on-dræd þu ðe. gelÿf wotodlice. & heo bið hal; ⁵¹ And þa ðe he to þam huse cöm. ne let he nanne mid him in-gän buton petrum & Iohannem & iacobum. & þæs mædenes fæder. & hyre modor; ⁵² Þa weopon hig ealle & heofodon hi; Ða cwæþ he. ne wepe ge; Soþlice nis þis mæden dead. ac heo slæpð; ⁵³ Ða tældon hig hyne & wiston þt heo dead wæs; ⁵⁴ Ða nam he hyre händ & cwæð; Mæden. þe ic secge arïs; ⁵⁵ Þa gehwearf hyre gast agen & heo sona aras. & he het hyre syllan etan; ⁵⁶ Ða wundredon hyre magas þa bead he þam þt hi hit nanum men ne sædon þt þar geden wæs;