Mark 15:42 Cross References - WestSaxon1175

⁴² Ænd þa æfen wæs ge-worden þt wæs parasceue. þt is ær sæterdaige

⁵⁷ Soðlice þa hyt æfen wæs com sum weli man of arimathia þas name wæs ioseph. se sylfe wæs þas hælendes leorning-cniht. ⁵⁸ he geneahlacte to pilate. & bæd þas hælendes lichamen. Ða het pilatus agyfen hym þanne lichamen. ⁵⁹ & Ioseph genam þanne lichaman. & be-wand hine mid clænre scetan. ⁶⁰ & legde hine on hys nywe berienne. þe he äheow of stane. & he to-awelte mycele stan to hlyde þare byrigenne. & ferde syððan. ⁶¹ Ðær wæs soðlice syo magdalenissce Marie & syo oðer Marie sittende æt þam byrigenne. ⁶² Witodlice oðeran daige þe wæs gearcung-dæg. comen to-gædere þare sacerda ealdras & þa sunder-halgen to pilate.

⁵⁰ & þa an man on namen ioseph se wæs ge-refe. & god wer & rihtwis. ⁵¹ þes ne ge-ðwærede hyore ge-þohte & hyra dæden fram arimathia iudëë cestre. se sylfe ge-ambadede godes riche. ⁵² þes ge-neahlahte to pilate & bæd þas hælendes lichamen. ⁵³ and niðer-aleigde hine. & on scetan be-feold. & leigde hine on aheawene byregene on þare næs na geot on änig aleigð. ⁵⁴ And þa wæs se daig parasceue þt is gegarewunge & sæter-daig on-lihte. ⁵⁵ Ða wif þe hym felgden. þe comen mid hym of galilea hyo ge-seagen þa byrigenne & hu his lichame aligd wæs. ⁵⁶ & hyo chyrden & gerewedon wyrt-ge-mang & sealfe. & on sætern-daig hyo ge-stylden æfter be-bode.

³¹ Þa iudeas bæden pilate þæt man for-braca heora scanken & læten hy niðer. forþan þe hyt wæs gearcing-daig. þæt þa lichaman ne wunedon on rode on reste-daige. se daig wæs mære reste-daig.

³⁸ Witodlice Ioseph of arimathia bæd pilaten þæt he moste nyman þas hælendes lichaman. for-þan þe he wæs þas hælendes leorningcniht. þis he dyde dearnunge; for þare iudea eige. & pilatus hym lefde. Ða com he & nam þas hælendes lichaman. ³⁹ & nichodemus com þider. se þe ærest com to þam hælende on niht. & brohte wyrt-gemang & a-loen swylche hund-twentig boxa. ⁴⁰ hyo naman þas hælendas lichaman. & be-wunden hine mid linene claðe mid wyrt-ge-mangun swa iudea þæw is. to be-berigenne. ⁴¹ Witodlice þær wæs wurtun on þare stowe þær se hælend a-hangen wæs. & on þan wertune wæs nywe beregen on þare þa gyt; nan man næs a-leigð. ⁴² Soðlice þær hyo legdon þonne hælend. for þare iudea gearcunge wæs wið þam byrgenne.