Luke 13:25 Cross References - WestSaxon1175

²⁵ Þanne se hirdes ealdor ingæð & his dure be-clyst. ge standeð þær ute & þa dure cnokieð & cweðað. Ðrihten atyn us. Þanne cweð he to eow. Ne can ich eow naht (sic) ich hwanen ge synde.

²¹ Ne gæð ælch þara on heofene riche þe cwyð to me drihten drihten. ac se þe wyrcð mines fæder willen þe on heofene ys. se gæð on heofene riche. ²² Manege cweðeð on þam daige to me drihten drihten. hu ne witegeden we on þinen namen. & on þinan namen we ut-awurpen deofel of mannen. & on þinen name we worhte mychele wundre & mihte. ²³ Þanne cweðe ich to heom. þæt ich eow næfre ne cuðe. Ge-wïtoð fram me. ge þe worhten un-rihtwisnysse.

¹⁰ Witodlice þa hyo ferden & wolden byggen. þa com se bredgume. & þa þe gearewe wæron eode in mid þam bridgume to þam giftan. & syo duru wæs be-loken. ¹¹ Þa æt nextan comen þa oðre femnan & cwæðen. Drihten drihten læt us in. ¹² Þa andswerede he heom & cwæð. Soð ic eow segge ne can ic eow.

⁴¹ Þanne sægð he þan þe beoð on hys winstren healfe. Ge-witeð aweregede fram me. on þæt eche fyr þe ys deofle & hys englen ge-garewað.

⁴⁶ Hwy clepie ge me drihten drihten & ne doð þæt ic eow segge.

²⁷ þanne saið he eow ne can ic hwanen ge synde. ge-witeð fram me ealle unriht-wyrhten.