Romans 7:18 Cross References - Vulgate

¹⁸ scio enim quia non habitat in me hoc est in carne mea bonum nam velle adiacet mihi perficere autem bonum non invenio

⁵ videns autem Deus quod multa malitia hominum esset in terra et cuncta cogitatio cordis intenta esset ad malum omni tempore

²¹ odoratusque est Dominus odorem suavitatis et ait ad eum nequaquam ultra maledicam terrae propter homines sensus enim et cogitatio humani cordis in malum prona sunt ab adulescentia sua non igitur ultra percutiam omnem animantem sicut feci

⁴ quis potest facere mundum de inmundo conceptum semine nonne tu qui solus es

¹⁴ quid est homo ut inmaculatus sit et ut iustus appareat natus de muliere ¹⁵ ecce inter sanctos eius nemo inmutabilis et caeli non sunt mundi in conspectu eius ¹⁶ quanto magis abominabilis et inutilis homo qui bibit quasi aquas iniquitatem

⁴ numquid iustificari potest homo conparatus Deo aut apparere mundus natus de muliere

⁵ ecce in iniquitate conceptus sum et in peccato peperit me mater mea

⁵ utinam dirigantur viae meae ad custodienda praecepta tua

³² viam mandatorum tuorum curram quoniam dilatasti cor meum

⁴⁰ ecce desideravi praecepta tua iustitia tua vivifica me

¹¹⁵ recedite a me maligni et custodiam mandata Dei mei ¹¹⁶ confirma me secundum verbum tuum et vivam et noli me confundere ab expectatione mea ¹¹⁷ auxiliare mihi et salvus ero et delectabor in praeceptis tuis iugiter

¹⁷³ sit manus tua auxiliatrix mea quia praecepta tua elegi

¹⁷⁶ erravi quasi ovis perdita quaere servum tuum quia mandatorum tuorum non sum oblitus

⁶ et facti sumus ut inmundus omnes nos quasi pannus menstruatae universae iustitiae nostrae et cecidimus quasi folium universi et iniquitates nostrae quasi ventus abstulerunt nos

¹⁹ de corde enim exeunt cogitationes malae homicidia adulteria fornicationes furta falsa testimonia blasphemiae

²¹ ab intus enim de corde hominum cogitationes malae procedunt adulteria fornicationes homicidia ²² furta avaritiae nequitiae dolus inpudicitia oculus malus blasphemia superbia stultitia ²³ omnia haec mala ab intus procedunt et communicant hominem

¹³ si ergo vos cum sitis mali nostis bona data dare filiis vestris quanto magis Pater vester de caelo dabit spiritum bonum petentibus se

⁶ quod natum est ex carne caro est et quod natum est ex Spiritu spiritus est

⁵ cum enim essemus in carne passiones peccatorum quae per legem erant operabantur in membris nostris ut fructificarent morti

¹⁵ quod enim operor non intellego non enim quod volo hoc ago sed quod odi illud facio

¹⁹ non enim quod volo bonum hoc facio sed quod nolo malum hoc ago

²⁵ gratia Dei per Iesum Christum Dominum nostrum igitur ego ipse mente servio legi Dei carne autem legi peccati

³ nam quod inpossibile erat legis in quo infirmabatur per carnem Deus Filium suum mittens in similitudinem carnis peccati et de peccato damnavit peccatum in carne ⁴ ut iustificatio legis impleretur in nobis qui non secundum carnem ambulamus sed secundum Spiritum ⁵ qui enim secundum carnem sunt quae carnis sunt sapiunt qui vero secundum Spiritum quae sunt Spiritus sentiunt ⁶ nam prudentia carnis mors prudentia autem Spiritus vita et pax ⁷ quoniam sapientia carnis inimicitia est in Deum legi enim Dei non subicitur nec enim potest ⁸ qui autem in carne sunt Deo placere non possunt ⁹ vos autem in carne non estis sed in Spiritu si tamen Spiritus Dei habitat in vobis si quis autem Spiritum Christi non habet hic non est eius ¹⁰ si autem Christus in vobis est corpus quidem mortuum est propter peccatum spiritus vero vita propter iustificationem ¹¹ quod si Spiritus eius qui suscitavit Iesum a mortuis habitat in vobis qui suscitavit Iesum Christum a mortuis vivificabit et mortalia corpora vestra propter inhabitantem Spiritum eius in vobis ¹² ergo fratres debitores sumus non carni ut secundum carnem vivamus ¹³ si enim secundum carnem vixeritis moriemini si autem Spiritu facta carnis mortificatis vivetis

¹⁴ sed induite Dominum Iesum Christum et carnis curam ne feceritis in desideriis

¹⁷ caro enim concupiscit adversus spiritum spiritus autem adversus carnem haec enim invicem adversantur ut non quaecumque vultis illa faciatis

¹⁹ manifesta autem sunt opera carnis quae sunt fornicatio inmunditia luxuria ²⁰ idolorum servitus veneficia inimicitiae contentiones aemulationes irae rixae dissensiones sectae ²¹ invidiae homicidia ebrietates comesationes et his similia quae praedico vobis sicut praedixi quoniam qui talia agunt regnum Dei non consequentur

²⁴ qui autem sunt Christi carnem crucifixerunt cum vitiis et concupiscentiis

¹ et vos cum essetis mortui delictis et peccatis vestris ² in quibus aliquando ambulastis secundum saeculum mundi huius secundum principem potestatis aeris huius spiritus qui nunc operatur in filios diffidentiae ³ in quibus et nos omnes aliquando conversati sumus in desideriis carnis nostrae facientes voluntates carnis et cogitationum et eramus natura filii irae sicut et ceteri ⁴ Deus autem qui dives est in misericordia propter nimiam caritatem suam qua dilexit nos ⁵ et cum essemus mortui peccatis convivificavit nos Christo gratia estis salvati

¹³ Deus est enim qui operatur in vobis et velle et perficere pro bona voluntate

¹² non quod iam acceperim aut iam perfectus sim sequor autem si conprehendam in quo et conprehensus sum a Christo Iesu

³ eramus enim et nos aliquando insipientes increduli errantes servientes desideriis et voluptatibus variis in malitia et invidia agentes odibiles odientes invicem

² ut iam non hominum desideriis sed voluntate Dei quod reliquum est in carne vivat temporis