Romans 14:18 Cross References - Vulgate

¹⁸ qui enim in hoc servit Christo placet Deo et probatus est hominibus

⁷ nonne si bene egeris recipies sin autem male statim in foribus peccatum aderit sed sub te erit appetitus eius et tu dominaberis illius

⁷ vade ergo et comede in laetitia panem tuum et bibe cum gaudio vinum tuum quia Deo placent opera tua

³⁴ sicut homo qui peregre profectus reliquit domum suam et dedit servis suis potestatem cuiusque operis et ianitori praecipiat ut vigilet

²⁶ si quis mihi ministrat me sequatur et ubi sum ego illic et minister meus erit si quis mihi ministraverit honorificabit eum Pater meus

³⁵ sed in omni gente qui timet eum et operatur iustitiam acceptus est illi

²² nunc vero liberati a peccato servi autem facti Deo habetis fructum vestrum in sanctificationem finem vero vitam aeternam

¹ obsecro itaque vos fratres per misericordiam Dei ut exhibeatis corpora vestra hostiam viventem sanctam Deo placentem rationabile obsequium vestrum ² et nolite conformari huic saeculo sed reformamini in novitate sensus vestri ut probetis quae sit voluntas Dei bona et placens et perfecta

¹¹ sollicitudine non pigri spiritu ferventes Domino servientes

⁴ tu quis es qui iudices alienum servum suo domino stat aut cadit stabit autem potens est enim Deus statuere illum

¹⁸ huiusmodi enim Christo Domino nostro non serviunt sed suo ventri et per dulces sermones et benedictiones seducunt corda innocentium

²² qui enim in Domino vocatus est servus libertus est Domini similiter qui liber vocatus est servus est Christi

² sed abdicamus occulta dedecoris non ambulantes in astutia neque adulterantes verbum Dei sed in manifestatione veritatis commendantes nosmet ipsos ad omnem conscientiam hominum coram Deo

¹¹ scientes ergo timorem Domini hominibus suademus Deo autem manifesti sumus spero autem et in conscientiis vestris manifestos nos esse

⁴ sed in omnibus exhibeamus nosmet ipsos sicut Dei ministros in multa patientia in tribulationibus in necessitatibus in angustiis

²¹ providemus enim bona non solum coram Deo sed etiam coram hominibus

¹⁵ in Christo enim Iesu neque circumcisio aliquid valet neque praeputium sed nova creatura ¹⁶ et quicumque hanc regulam secuti fuerint pax super illos et misericordia et super Israhel Dei

¹⁸ habeo autem omnia et abundo repletus sum acceptis ab Epafrodito quae misistis odorem suavitatis hostiam acceptam placentem Deo

²⁴ scientes quod a Domino accipietis retributionem hereditatis Domino Christo servite

³ memores operis fidei vestrae et laboris et caritatis et sustinentiae spei Domini nostri Iesu Christi ante Deum et Patrem nostrum ⁴ scientes fratres dilecti a Deo electionem vestram

³ hoc enim bonum est et acceptum coram salutari nostro Deo

⁴ si qua autem vidua filios aut nepotes habet discant primum domum suam regere et mutuam vicem reddere parentibus hoc enim acceptum est coram Deo

¹¹ apparuit enim gratia Dei salutaris omnibus hominibus ¹² erudiens nos ut abnegantes impietatem et saecularia desideria sobrie et iuste et pie vivamus in hoc saeculo ¹³ expectantes beatam spem et adventum gloriae magni Dei et salvatoris nostri Iesu Christi ¹⁴ qui dedit semet ipsum pro nobis ut nos redimeret ab omni iniquitate et mundaret sibi populum acceptabilem sectatorem bonorum operum

¹⁸ sed dicet quis tu fidem habes et ego opera habeo ostende mihi fidem tuam sine operibus et ego ostendam tibi ex operibus fidem meam ¹⁹ tu credis quoniam unus est Deus bene facis et daemones credunt et contremescunt ²⁰ vis autem scire o homo inanis quoniam fides sine operibus otiosa est ²¹ Abraham pater noster nonne ex operibus iustificatus est offerens Isaac filium suum super altare ²² vides quoniam fides cooperabatur operibus illius et ex operibus fides consummata est ²³ et suppleta est scriptura dicens credidit Abraham Deo et reputatum est illi ad iustitiam et amicus Dei appellatus est ²⁴ videtis quoniam ex operibus iustificatur homo et non ex fide tantum ²⁵ similiter autem et Raab meretrix nonne ex operibus iustificata est suscipiens nuntios et alia via eiciens ²⁶ sicut enim corpus sine spiritu emortuum est ita et fides sine operibus mortua est

⁵ et ipsi tamquam lapides vivi superaedificamini domus spiritalis sacerdotium sanctum offerre spiritales hostias acceptabiles Deo per Iesum Christum

²⁰ quae enim gloria est si peccantes et colaphizati suffertis sed si benefacientes et patientes sustinetis haec est gratia apud Deum

¹⁶ sed cum modestia et timore conscientiam habentes bonam ut in eo quod detrahunt vobis confundantur qui calumniantur vestram bonam in Christo conversationem