Numbers 31:30 Cross References - Vulgate

³⁰ ex media quoque parte filiorum Israhel accipies quinquagesimum caput hominum et boum et asinorum et ovium cunctarumque animantium et dabis ea Levitis qui excubant in custodiis tabernaculi Domini

⁷ et observent quicquid ad cultum pertinet multitudinis coram tabernaculo testimonii ⁸ et custodiant vasa tabernaculi servientes in ministerio eius

²⁵ et habebunt excubias in tabernaculo foederis

³¹ et custodient arcam mensamque et candelabrum altaria et vasa sanctuarii in quibus ministratur et velum cunctamque huiuscemodi supellectilem

³⁶ erunt sub custodia eorum tabulae tabernaculi et vectes et columnae ac bases earum et omnia quae ad cultum huiuscemodi pertinent ³⁷ columnaeque atrii per circuitum cum basibus suis et paxilli cum funibus ³⁸ castrametabuntur ante tabernaculum foederis id est ad orientalem plagam Moses et Aaron cum filiis suis habentes custodiam sanctuarii in medio filiorum Israhel quisquis alienus accesserit morietur ³⁹ omnes Levitae quos numeraverunt Moses et Aaron iuxta praeceptum Domini per familias suas in genere masculino a mense uno et supra fuerunt viginti duo milia

¹ dixitque Dominus ad Aaron tu et filii tui et domus patris tui tecum portabitis iniquitatem sanctuarii et tu et filii tui simul sustinebitis peccata sacerdotii vestri ² sed et fratres tuos de tribu Levi et sceptro patris tui sume tecum praestoque sint et ministrent tibi tu autem et filii tui ministrabitis in tabernaculo testimonii ³ excubabuntque Levitae ad praecepta tua et ad cuncta opera tabernaculi ita dumtaxat ut ad vasa sanctuarii et altare non accedant ne et illi moriantur et vos pereatis simul ⁴ sint autem tecum et excubent in custodiis tabernaculi et in omnibus caerimoniis eius alienigena non miscebitur vobis ⁵ excubate in custodia sanctuarii et in ministerio altaris ne oriatur indignatio super filios Israhel

²³ solis filiis Levi mihi in tabernaculo servientibus et portantibus peccata populi legitimum sempiternum erit in generationibus vestris nihil aliud possidebunt ²⁴ decimarum oblatione contenti quas in usus eorum et necessaria separavi ²⁵ locutusque est Dominus ad Mosen dicens ²⁶ praecipe Levitis atque denuntia cum acceperitis a filiis Israhel decimas quas dedi vobis primitias earum offerte Domino id est decimam partem decimae ²⁷ ut reputetur vobis in oblationem primitivorum tam de areis quam de torcularibus ²⁸ et universis quorum accipitis primitias offerte Domino et date Aaron sacerdoti

²⁸ et separabis partem Domino ab his qui pugnaverunt et fuerunt in bello unam animam de quingentis tam ex hominibus quam ex bubus et asinis et ovibus

²⁷ per gyrum quoque templi Domini morabantur in custodiis suis ut cum tempus fuisset ipsi mane aperirent fores ²⁸ de horum grege erant et super vasa ministerii ad numerum enim et inferebantur vasa et efferebantur ²⁹ de ipsis et qui credita habebant utensilia sanctuarii praeerant similae et vino et oleo et turi et aromatibus

³² et custodiant observationes tabernaculi foederis et ritum sanctuarii et observationem filiorum Aaron fratrum suorum ut ministrent in domo Domini

²⁰ porro Achias erat super thesauros domus Dei ac vasa sanctorum ²¹ filii Ledan filii Gersonni de Ledan principes familiarum Ledan et Gersonni Ieiheli ²² filii Ieiheli Zathan et Iohel frater eius super thesauros domus Domini ²³ Amramitis et Isaaritis et Hebronitis et Ozihelitibus ²⁴ Subahel autem filius Gersom filii Mosi praepositus thesauris ²⁵ fratres quoque eius Eliezer cuius filius Raabia et huius filius Isaias et huius filius Ioram huius quoque filius Zechri sed et huius filius Selemith ²⁶ ipse Selemith et fratres eius super thesauros sanctorum quae sanctificavit David rex et principes familiarum et tribuni et centuriones et duces exercitus ²⁷ de bellis et manubiis proeliorum quae consecraverant ad instaurationem et supellectilem templi Domini

²⁸ adtendite vobis et universo gregi in quo vos Spiritus Sanctus posuit episcopos regere ecclesiam Dei quam adquisivit sanguine suo

² hic iam quaeritur inter dispensatores ut fidelis quis inveniatur

¹³ nescitis quoniam qui in sacrario operantur quae de sacrario sunt edunt qui altario deserviunt cum altario participantur ¹⁴ ita et Dominus ordinavit his qui evangelium adnuntiant de evangelio vivere

¹⁷ et dicite Archippo vide ministerium quod accepisti in Domino ut illud impleas

¹⁷ oboedite praepositis vestris et subiacete eis ipsi enim pervigilant quasi rationem pro animabus vestris reddituri ut cum gaudio hoc faciant et non gementes hoc enim non expedit vobis