Matthew 24:33 Cross References - Vulgate

³³ ita et vos cum videritis haec omnia scitote quia prope est in ianuis

² et tu fili hominis haec dicit Dominus Deus terrae Israhel finis venit finis super quattuor plagas terrae ³ nunc finis super te et emittam furorem meum in te et iudicabo te iuxta vias tuas et ponam contra te omnes abominationes tuas ⁴ et non parcet oculus meus super te et non miserebor sed vias tuas ponam super te et abominationes tuae in medio tui erunt et scietis quia ego Dominus ⁵ haec dicit Dominus Deus adflictio una adflictio ecce venit ⁶ finis venit venit finis evigilavit adversum te ecce venit ⁷ venit contractio super te qui habitas in terra venit tempus prope est dies occisionis et non gloriae montium ⁸ nunc de propinquo effundam iram meam super te et conpleam furorem meum in te et iudicabo te iuxta vias tuas et inponam tibi omnia scelera tua ⁹ et non parcet oculus meus neque miserebor sed vias tuas inponam tibi et abominationes tuae in medio tui erunt et scietis quia ego sum Dominus percutiens ¹⁰ ecce dies ecce venit egressa est contractio floruit virga germinavit superbia ¹¹ iniquitas surrexit in virga impietatis non ex eis et non ex populo neque ex sonitu eorum et non erit requies in eis ¹² venit tempus adpropinquavit dies qui emit non laetetur et qui vendit non lugeat quia ira super omnem populum eius ¹³ quia qui vendit ad id quod vendidit non revertetur et adhuc in viventibus vita eorum visio enim ad omnem multitudinem eius non regredietur et vir in iniquitate vitae suae non confortabitur ¹⁴ canite tuba praeparentur omnes et non est qui vadat ad proelium ira enim mea super universum populum eius

³⁷ adhuc enim modicum quantulum qui venturus est veniet et non tardabit

⁹ nolite ingemescere fratres in alterutrum ut non iudicemini ecce iudex ante ianuam adsistit

⁷ omnium autem finis adpropinquavit estote itaque prudentes et vigilate in orationibus

²⁰ ecce sto ad ostium et pulso si quis audierit vocem meam et aperuerit ianuam introibo ad illum et cenabo cum illo et ipse mecum