Malachi 3:16 Cross References - Vulgate

¹⁶ tunc locuti sunt timentes Deum unusquisque cum proximo suo et adtendit Dominus et audivit et scriptus est liber monumenti coram eo timentibus Dominum et cogitantibus nomen eius

¹² dixitque ei non extendas manum tuam super puerum neque facias illi quicquam nunc cognovi quod timeas Dominum et non peperceris filio tuo unigenito propter me

⁶ eruntque verba haec quae ego praecipio tibi hodie in corde tuo ⁷ et narrabis ea filiis tuis et meditaberis sedens in domo tua et ambulans in itinere dormiens atque consurgens ⁸ et ligabis ea quasi signum in manu tua eruntque et movebuntur inter oculos tuos

¹⁶ et surrexit Ionathan filius Saul et abiit ad David in silva et confortavit manus eius in Deo dixitque ei ¹⁷ ne timeas neque enim inveniet te manus Saul patris mei et tu regnabis super Israhel et ego ero tibi secundus sed et Saul pater meus scit hoc ¹⁸ percussit igitur uterque foedus coram Domino mansitque David in silva Ionathas autem reversus est in domum suam

¹ factum est autem cum sedisset rex in domo sua et Dominus dedisset ei requiem undique ab universis inimicis suis

³ vocavitque Ahab Abdiam dispensatorem domus suae Abdias autem timebat Dominum valde

¹² cumque recessero a te spiritus Domini asportabit te in locum quem ego ignoro ingressus nuntiabo Ahab et non inveniet te et interficiet me servus autem tuus timet Dominum ab infantia sua

⁷ cumque fuisset voluntatis David patris mei ut aedificaret domum nomini Domini Dei Israhel

²³ quaesitum est et inventum et adpensus uterque eorum in patibulo mandatumque historiis et annalibus traditum coram rege

⁵ accitoque Athac eunucho quem rex ministrum ei dederat praecepit ut iret ad Mardocheum et disceret ab eo cur hoc faceret ⁶ egressusque Athac ivit ad Mardocheum stantem in platea civitatis ante ostium palatii ⁷ qui indicavit ei omnia quae acciderant quomodo Aman promisisset ut in thesauros regis pro Iudaeorum nece inferret argentum ⁸ exemplarque edicti quod pendebat in Susis dedit ei ut reginae ostenderet et moneret eam ut intraret ad regem et deprecaretur eum pro populo suo ⁹ regressus Athac nuntiavit Hester omnia quae Mardocheus dixerat ¹⁰ quae respondit ei et iussit ut diceret Mardocheo ¹¹ omnes servi regis et cunctae quae sub dicione eius sunt norunt provinciae quod sive vir sive mulier invocatus interius atrium regis intraverit absque ulla cunctatione statim interficiatur nisi forte rex auream virgam ad eum tetenderit pro signo clementiae atque ita possit vivere ego igitur quomodo ad regem intrare potero quae triginta iam diebus non sum vocata ad eum ¹² quod cum audisset Mardocheus ¹³ rursum mandavit Hester dicens ne putes quod animam tuam tantum liberes quia in domo regis es prae cunctis Iudaeis ¹⁴ si enim nunc silueris per aliam occasionem liberabuntur Iudaei et tu et domus patris tui peribitis et quis novit utrum idcirco ad regnum veneris ut in tali tempore parareris ¹⁵ rursumque Hester haec Mardocheo verba mandavit ¹⁶ vade et congrega omnes Iudaeos quos in Susis reppereris et orate pro me non comedatis et non bibatis tribus diebus ac noctibus et ego cum ancillulis meis similiter ieiunabo et tunc ingrediar ad regem contra legem faciens invocata tradensque me morti et periculo ¹⁷ ivit itaque Mardocheus et fecit omnia quae ei Hester praeceperat

¹ noctem illam rex duxit insomnem iussitque adferri sibi historias et annales priorum temporum qui cum illo praesente legerentur

²³ quis mihi tribuat ut scribantur sermones mei quis mihi det ut exarentur in libro ²⁴ stilo ferreo et plumbi lammina vel certe sculpantur in silice ²⁵ scio enim quod redemptor meus vivat et in novissimo de terra surrecturus sim

²⁸ et dixit homini ecce timor Domini ipsa est sapientia et recedere a malo intellegentia

⁴ blasphemavit Dominum impius secundum altitudinem furoris sui non requiret

³ dicens Deo Dominus meus es tu bene mihi non est sine te

⁷ hii in curribus et hii in equis nos autem nominis Domini Dei nostri recordabimur

¹⁸ ecce oculus Domini super timentes eum et expectantes misericordiam eius

¹⁵ oculi Domini ad iustos et aures eius ad clamorem eorum

⁸ secretiora mea numerasti pone lacrimam meam in conspectu tuo sed non in narratione tua

¹⁶ ipsum ore meo invocavi et exaltavi in lingua mea

¹⁵ donec veniam ad sanctuaria Dei intellegam in novissimo eorum ¹⁶ verumtamen in lubrico posuisti eos deiecisti eos ad interitum ¹⁷ quomodo vastati sunt subito defecerunt consumpti sunt quasi non sint

¹⁹ in multitudine cogitationum mearum quae sunt in me intrinsecus consolationes tuae delectabunt animam meam

³³ qui respicit terram et tremet tangit montes et fumabunt

¹⁰ res principium sapientiae timor Domini sen doctrina bona cunctis qui faciunt ea thau laus eius perseverans iugiter alleluia

⁶³ particeps ego sum omnium timentium te et custodientium praecepta tua

⁴ et omnes vias meas intellexisti quia non est eloquium in lingua mea

¹¹ placetur Domino in his qui timent eum et expectant misericordiam eius

²⁰ qui cum sapientibus graditur sapiens erit amicus stultorum efficietur similis

³ vetus error abiit servabis pacem pacem quia in te speravimus

⁸ et in semita iudiciorum tuorum Domine sustinuimus te nomen tuum et memoriale tuum in desiderio animae

¹⁰ quis ex vobis timens Dominum audiens vocem servi sui qui ambulavit in tenebris et non est lumen ei speret in nomine Domini et innitatur super Deum suum

⁶ ecce scriptum est coram me non tacebo sed reddam et retribuam in sinu eorum

⁴ et dixit Dominus ad eum transi per mediam civitatem in medio Hierusalem et signa thau super frontes virorum gementium et dolentium super cunctis abominationibus quae fiunt in medio eius

¹⁷ et ingressus est domum suam Ananiaeque Misaheli et Azariae sociis suis indicavit negotium ¹⁸ ut quaererent misericordiam a facie Dei caeli super sacramento isto et non perirent Danihel et socii eius cum ceteris sapientibus Babylonis

¹⁰ fluvius igneus rapidusque egrediebatur a facie eius milia milium ministrabant ei et decies milies centena milia adsistebant ei iudicium sedit et libri aperti sunt

⁵ et accedam ad vos in iudicio et ero testis velox maleficis et adulteris et periuris et qui calumniantur mercedem mercennarii viduas et pupillos et opprimunt peregrinum nec timuerunt me dicit Dominus exercituum

² et orietur vobis timentibus nomen meum sol iustitiae et sanitas in pinnis eius et egrediemini et salietis sicut vituli de armento

³⁵ bonus homo de bono thesauro profert bona et malus homo de malo thesauro profert mala ³⁶ dico autem vobis quoniam omne verbum otiosum quod locuti fuerint homines reddent rationem de eo in die iudicii ³⁷ ex verbis enim tuis iustificaberis et ex verbis tuis condemnaberis

¹⁹ iterum dico vobis quia si duo ex vobis consenserint super terram de omni re quacumque petierint fiet illis a Patre meo qui in caelis est ²⁰ ubi enim sunt duo vel tres congregati in nomine meo ibi sum in medio eorum

³⁸ et haec ipsa hora superveniens confitebatur Domino et loquebatur de illo omnibus qui expectabant redemptionem Hierusalem

¹⁴ et ipsi loquebantur ad invicem de his omnibus quae acciderant ¹⁵ et factum est dum fabularentur et secum quaererent et ipse Iesus adpropinquans ibat cum illis ¹⁶ oculi autem illorum tenebantur ne eum agnoscerent ¹⁷ et ait ad illos qui sunt hii sermones quos confertis ad invicem ambulantes et estis tristes ¹⁸ et respondens unus cui nomen Cleopas dixit ei tu solus peregrinus es in Hierusalem et non cognovisti quae facta sunt in illa his diebus ¹⁹ quibus ille dixit quae et dixerunt de Iesu Nazareno qui fuit vir propheta potens in opere et sermone coram Deo et omni populo ²⁰ et quomodo eum tradiderunt summi sacerdotum et principes nostri in damnationem mortis et crucifixerunt eum ²¹ nos autem sperabamus quia ipse esset redempturus Israhel et nunc super haec omnia tertia dies hodie quod haec facta sunt ²² sed et mulieres quaedam ex nostris terruerunt nos quae ante lucem fuerunt ad monumentum ²³ et non invento corpore eius venerunt dicentes se etiam visionem angelorum vidisse qui dicunt eum vivere ²⁴ et abierunt quidam ex nostris ad monumentum et ita invenerunt sicut mulieres dixerunt ipsum vero non viderunt ²⁵ et ipse dixit ad eos o stulti et tardi corde ad credendum in omnibus quae locuti sunt prophetae ²⁶ nonne haec oportuit pati Christum et ita intrare in gloriam suam ²⁷ et incipiens a Mose et omnibus prophetis interpretabatur illis in omnibus scripturis quae de ipso erant ²⁸ et adpropinquaverunt castello quo ibant et ipse se finxit longius ire ²⁹ et coegerunt illum dicentes mane nobiscum quoniam advesperascit et inclinata est iam dies et intravit cum illis ³⁰ et factum est dum recumberet cum illis accepit panem et benedixit ac fregit et porrigebat illis ³¹ et aperti sunt oculi eorum et cognoverunt eum et ipse evanuit ex oculis eorum

⁴⁰ erat autem Andreas frater Simonis Petri unus ex duobus qui audierant ab Iohanne et secuti fuerant eum ⁴¹ invenit hic primum fratrem suum Simonem et dicit ei invenimus Messiam quod est interpretatum Christus ⁴² et adduxit eum ad Iesum intuitus autem eum Iesus dixit tu es Simon filius Iohanna tu vocaberis Cephas quod interpretatur Petrus ⁴³ in crastinum voluit exire in Galilaeam et invenit Philippum et dicit ei Iesus sequere me ⁴⁴ erat autem Philippus a Bethsaida civitate Andreae et Petri ⁴⁵ invenit Philippus Nathanahel et dicit ei quem scripsit Moses in lege et prophetae invenimus Iesum filium Ioseph a Nazareth ⁴⁶ et dixit ei Nathanahel a Nazareth potest aliquid boni esse dicit ei Philippus veni et vide ⁴⁷ vidit Iesus Nathanahel venientem ad se et dicit de eo ecce vere Israhelita in quo dolus non est

²⁰ erant autem gentiles quidam ex his qui ascenderant ut adorarent in die festo ²¹ hii ergo accesserunt ad Philippum qui erat a Bethsaida Galilaeae et rogabant eum dicentes domine volumus Iesum videre ²² venit Philippus et dicit Andreae Andreas rursum et Philippus dixerunt Iesu

¹³ et cum introissent in cenaculum ascenderunt ubi manebant Petrus et Iohannes Iacobus et Andreas Philippus et Thomas Bartholomeus et Mattheus Iacobus Alphei et Simon Zelotes et Iudas Iacobi

¹ et cum conplerentur dies pentecostes erant omnes pariter in eodem loco

²³ dimissi autem venerunt ad suos et adnuntiaverunt eis quanta ad eos principes sacerdotum et seniores dixissent ²⁴ qui cum audissent unianimiter levaverunt vocem ad Deum et dixerunt Domine tu qui fecisti caelum et terram et mare et omnia quae in eis sunt ²⁵ qui Spiritu Sancto per os patris nostri David pueri tui dixisti quare fremuerunt gentes et populi meditati sunt inania ²⁶ adstiterunt reges terrae et principes convenerunt in unum adversus Dominum et adversus Christum eius ²⁷ convenerunt enim vere in civitate ista adversus sanctum puerum tuum Iesum quem unxisti Herodes et Pontius Pilatus cum gentibus et populis Israhel ²⁸ facere quae manus tua et consilium decreverunt fieri ²⁹ et nunc Domine respice in minas eorum et da servis tuis cum omni fiducia loqui verbum tuum ³⁰ in eo cum manum tuam extendas sanitates et signa et prodigia fieri per nomen sancti Filii tui Iesu ³¹ et cum orassent motus est locus in quo erant congregati et repleti sunt omnes Spiritu Sancto et loquebantur verbum Dei cum fiducia ³² multitudinis autem credentium erat cor et anima una nec quisquam eorum quae possidebant aliquid suum esse dicebat sed erant illis omnia communia ³³ et virtute magna reddebant apostoli testimonium resurrectionis Iesu Christi Domini et gratia magna erat in omnibus illis

³¹ ecclesia quidem per totam Iudaeam et Galilaeam et Samariam habebat pacem et aedificabatur ambulans in timore Domini et consolatione Sancti Spiritus replebatur

² religiosus et timens Deum cum omni domo sua faciens elemosynas multas plebi et deprecans Deum semper

¹⁹ loquentes vobismet ipsis in psalmis et hymnis et canticis spiritalibus cantantes et psallentes in cordibus vestris Domino

¹¹ propter quod consolamini invicem et aedificate alterutrum sicut et facitis

¹⁴ rogamus autem vos fratres corripite inquietos consolamini pusillianimes suscipite infirmos patientes estote ad omnes

¹³ sed adhortamini vosmet ipsos per singulos dies donec hodie cognominatur ut non obduretur quis ex vobis fallacia peccati

¹² vivus est enim Dei sermo et efficax et penetrabilior omni gladio ancipiti et pertingens usque ad divisionem animae ac spiritus conpagum quoque et medullarum et discretor cogitationum et intentionum cordis ¹³ et non est ulla creatura invisibilis in conspectu eius omnia autem nuda et aperta sunt oculis eius ad quem nobis sermo

²⁴ et consideremus invicem in provocationem caritatis et bonorum operum

¹⁵ contemplantes ne quis desit gratiae Dei ne qua radix amaritudinis sursum germinans inpediat et per illam inquinentur multi

⁴ quis non timebit Domine et magnificabit nomen tuum quia solus pius quoniam omnes gentes venient et adorabunt in conspectu tuo quoniam iudicia tua manifestata sunt

¹² et vidi mortuos magnos et pusillos stantes in conspectu throni et libri aperti sunt et alius liber apertus est qui est vitae et iudicati sunt mortui ex his quae scripta erant in libris secundum opera ipsorum