Luke 23:43 Cross References - Vulgate

⁴³ et dixit illi Iesus amen dico tibi hodie mecum eris in paradiso

²⁷ respiciet homines et dicet peccavi et vere deliqui et ut eram dignus non recepi ²⁸ liberavit animam suam ne pergeret in interitum sed vivens lucem videret ²⁹ ecce haec omnia operatur Deus tribus vicibus per singulos ³⁰ ut revocet animas eorum a corruptione et inluminet luce viventium

⁵ peccatum meum notum facio tibi et iniquitatem meam non abscondo dixi confitebor scelus meum Domino et tu dimisisti iniquitatem peccati mei semper

¹⁵ et invoca me in die tribulationis liberabo te et glorificabis me

¹⁸ et venite et arguite me dicit Dominus si fuerint peccata vestra ut coccinum quasi nix dealbabuntur et si fuerint rubra quasi vermiculus velut lana erunt ¹⁹ si volueritis et audieritis bona terrae comedetis

¹¹ pro eo quod laboravit anima eius videbit et saturabitur in scientia sua iustificabit ipse iustus servus meus multos et iniquitates eorum ipse portabit

⁶ quaerite Dominum dum inveniri potest invocate eum dum prope est ⁷ derelinquat impius viam suam et vir iniquus cogitationes suas et revertatur ad Dominum et miserebitur eius et ad Deum nostrum quoniam multus est ad ignoscendum ⁸ non enim cogitationes meae cogitationes vestrae neque viae vestrae viae meae dicit Dominus ⁹ quia sicut exaltantur caeli a terra sic exaltatae sunt viae meae a viis vestris et cogitationes meae a cogitationibus vestris

²⁴ eritque antequam clament ego exaudiam adhuc illis loquentibus ego audiam

¹⁸ quis Deus similis tui qui aufers iniquitatem et transis peccatum reliquiarum hereditatis tuae non inmittet ultra furorem suum quoniam volens misericordiam est

¹⁵ aut non licet mihi quod volo facere an oculus tuus nequam est quia ego bonus sum ¹⁶ sic erunt novissimi primi et primi novissimi multi sunt enim vocati pauci autem electi

⁴ quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat illam ⁵ et cum invenerit eam inponit in umeros suos gaudens

²⁰ et surgens venit ad patrem suum cum autem adhuc longe esset vidit illum pater ipsius et misericordia motus est et adcurrens cecidit supra collum eius et osculatus est illum ²¹ dixitque ei filius pater peccavi in caelum et coram te iam non sum dignus vocari filius tuus ²² dixit autem pater ad servos suos cito proferte stolam primam et induite illum et date anulum in manum eius et calciamenta in pedes ²³ et adducite vitulum saginatum et occidite et manducemus et epulemur ²⁴ quia hic filius meus mortuus erat et revixit perierat et inventus est et coeperunt epulari

¹⁰ venit enim Filius hominis quaerere et salvum facere quod perierat

³ et si abiero et praeparavero vobis locum iterum venio et accipiam vos ad me ipsum ut ubi sum ego et vos sitis

²⁴ Pater quos dedisti mihi volo ut ubi ego sum et illi sint mecum ut videant claritatem meam quam dedisti mihi quia dilexisti me ante constitutionem mundi

²⁰ lex autem subintravit ut abundaret delictum ubi autem abundavit delictum superabundavit gratia ²¹ ut sicut regnavit peccatum in morte ita et gratia regnet per iustitiam in vitam aeternam per Iesum Christum Dominum nostrum

⁸ audemus autem et bonam voluntatem habemus magis peregrinari a corpore et praesentes esse ad Deum

³ et scio huiusmodi hominem sive in corpore sive extra corpus nescio Deus scit ⁴ quoniam raptus est in paradisum et audivit arcana verba quae non licet homini loqui

²³ coartor autem e duobus desiderium habens dissolvi et cum Christo esse multo magis melius

¹⁵ fidelis sermo et omni acceptione dignus quia Christus Iesus venit in mundum peccatores salvos facere quorum primus ego sum ¹⁶ sed ideo misericordiam consecutus sum ut in me primo ostenderet Christus Iesus omnem patientiam ad deformationem eorum qui credituri sunt illi in vitam aeternam

²⁵ unde et salvare in perpetuo potest accedentes per semet ipsum ad Deum semper vivens ad interpellandum pro eis

⁷ qui habet aurem audiat quid Spiritus dicat ecclesiis vincenti dabo ei edere de ligno vitae quod est in paradiso Dei mei