Habakkuk 3:14 Cross References - Vulgate

¹⁴ maledixisti sceptris eius capiti bellatorum eius venientibus ut turbo ad dispergendum me exultatio eorum sicut eius qui devorat pauperem in abscondito

¹⁰ venite sapienter opprimamus eum ne forte multiplicetur et si ingruerit contra nos bellum addatur inimicis nostris expugnatisque nobis egrediatur e terra ¹¹ praeposuit itaque eis magistros operum ut adfligerent eos oneribus aedificaveruntque urbes tabernaculorum Pharaoni Phiton et Ramesses ¹² quantoque opprimebant eos tanto magis multiplicabantur et crescebant ¹³ oderantque filios Israhel Aegyptii et adfligebant inludentes eis ¹⁴ atque ad amaritudinem perducebant vitam eorum operibus duris luti et lateris omnique famulatu quo in terrae operibus premebantur ¹⁵ dixit autem rex Aegypti obsetricibus Hebraeorum quarum una vocabatur Sephra altera Phua ¹⁶ praecipiens eis quando obsetricabitis Hebraeas et partus tempus advenerit si masculus fuerit interficite illum si femina reservate

²² praecepit autem Pharao omni populo suo dicens quicquid masculini sexus natum fuerit in flumen proicite quicquid feminei reservate

⁴ et ait haec dicit Dominus media nocte egrediar in Aegyptum ⁵ et morietur omne primogenitum in terra Aegyptiorum a primogenito Pharaonis qui sedet in solio eius usque ad primogenitum ancillae quae est ad molam et omnia primogenita iumentorum ⁶ eritque clamor magnus in universa terra Aegypti qualis nec ante fuit nec postea futurus est ⁷ apud omnes autem filios Israhel non muttiet canis ab homine usque ad pecus ut sciatis quanto miraculo dividat Dominus Aegyptios et Israhel

¹² et transibo per terram Aegypti nocte illa percutiamque omne primogenitum in terra Aegypti ab homine usque ad pecus et in cunctis diis Aegypti faciam iudicia ego Dominus ¹³ erit autem sanguis vobis in signum in aedibus in quibus eritis et videbo sanguinem ac transibo vos nec erit in vobis plaga disperdens quando percussero terram Aegypti

²⁹ factum est autem in noctis medio percussit Dominus omne primogenitum in terra Aegypti a primogenito Pharaonis qui sedebat in solio eius usque ad primogenitum captivae quae erat in carcere et omne primogenitum iumentorum ³⁰ surrexitque Pharao nocte et omnes servi eius cunctaque Aegyptus et ortus est clamor magnus in Aegypto neque enim erat domus in qua non iaceret mortuus

⁵ et nuntiatum est regi Aegyptiorum quod fugisset populus inmutatumque est cor Pharaonis et servorum eius super populo et dixerunt quid voluimus facere ut dimitteremus Israhel ne serviret nobis ⁶ iunxit ergo currum et omnem populum suum adsumpsit secum ⁷ tulitque sescentos currus electos quicquid in Aegypto curruum fuit et duces totius exercitus ⁸ induravitque Dominus cor Pharaonis regis Aegypti et persecutus est filios Israhel at illi egressi erant in manu excelsa ⁹ cumque persequerentur Aegyptii vestigia praecedentium reppererunt eos in castris super mare omnis equitatus et currus Pharaonis et universus exercitus erant in Ahiroth contra Beelsephon

¹⁷ ego autem indurabo cor Aegyptiorum ut persequantur vos et glorificabor in Pharaone et in omni exercitu eius in curribus et in equitibus illius ¹⁸ et scient Aegyptii quia ego sum Dominus cum glorificatus fuero in Pharaone et in curribus atque in equitibus eius

⁹ dixit inimicus persequar et conprehendam dividam spolia implebitur anima mea evaginabo gladium meum interficiet eos manus mea ¹⁰ flavit spiritus tuus et operuit eos mare submersi sunt quasi plumbum in aquis vehementibus

²² et nihilominus insistebant trecenti viri bucinis personantes inmisitque Dominus gladium in omnibus castris et mutua se caede truncabant

⁸ sedet insidians iuxta vestibula in absconditis ut interficiat innocentem

² qui exacuerunt quasi gladium linguam suam tetenderunt sagittam suam verbum amarissimum ³ ut sagittarent in absconditis simplicem ⁴ subito sagittabunt eum et non timebunt confortaverunt sibi sermonem pessimum narraverunt ut absconderent laqueos dixerunt quis videbit nos ⁵ scrutati sunt iniquitates defecerunt scrutantes scrutinio cogitationibus singulorum et corde profundo ⁶ sagittabit ergo eos Deus iaculo repentino inferentur plagae eorum ⁷ et corruent in semet ipsos linguis suis fugient omnes qui viderint eos

⁵⁰ et tulit veluti oves populum suum et minavit eos sicut gregem in deserto ⁵¹ et duxit eos cum fiducia et absque timore inimicos autem eorum operuit mare

² quia ecce inimici tui tumultuati sunt et qui oderunt te levaverunt caput

⁸ sed et Assur venit cum eis facti sunt brachium filiorum Loth semper ⁹ fac illis sicut Madian et Sisarae sicut Iabin in torrente Cison ¹⁰ contriti sunt in Aendor fuerunt quasi sterquilinium terrae ¹¹ pone duces eorum sicut Oreb et Zeb et Zebee et Salmana omnes principes eorum

¹⁰ omnes gentes circumdederunt me et in nomine Domini ultus sum eas ¹¹ circumdederunt me et obsederunt me sed in nomine Domini ultus sum eas ¹² circumdederunt me quasi apes extinctae sunt quasi ignis spinarum in nomine Domini quia ultus sum eas

⁴⁰ et in tempore praefinito proeliabitur adversum eum rex austri et quasi tempestas veniet contra illum rex aquilonis in curribus et in equitibus et in classe magna et ingredietur terras et conteret et pertransiet

¹⁴ et Dominus Deus super eos videbitur et exibit ut fulgur iaculum eius et Dominus Deus in tuba canet et vadet in turbine austri

²⁷ convenerunt enim vere in civitate ista adversus sanctum puerum tuum Iesum quem unxisti Herodes et Pontius Pilatus cum gentibus et populis Israhel ²⁸ facere quae manus tua et consilium decreverunt fieri