2 Kings 15:37 Cross References - Vulgate

³⁷ in diebus illis coepit Dominus mittere in Iudam Rasin regem Syriae et Phacee filium Romeliae

⁴⁸ servies inimico tuo quem inmittet Dominus tibi in fame et siti et nuditate et omnium penuria et ponet iugum ferreum super cervicem tuam donec te conterat

¹² in die illo suscitabo adversum Heli omnia quae locutus sum super domum eius incipiam et conplebo

³² in diebus illis coepit Dominus taedere super Israhel percussitque eos Azahel in universis finibus Israhel

⁵ tunc ascendit Rasin rex Syriae et Phacee filius Romeliae rex Israhel in Hierusalem ad proeliandum cumque obsiderent Ahaz non valuerunt superare eum

⁶ occiditque Phacee filius Romeliae de Iuda centum viginti milia in die uno omnes viros bellatores eo quod reliquissent Dominum Deum patrum suorum

⁴⁹ et percussit omne primogenitum in Aegypto principium partus in tabernaculis Cham

¹ et factum est in diebus Ahaz filii Ioatham filii Oziae regis Iuda ascendit Rasin rex Syriae et Phacee filius Romeliae rex Israhel in Hierusalem ad proeliandum contra eam et non potuerunt debellare eam

⁸ sed caput Syriae Damascus et caput Damasci Rasin et adhuc sexaginta et quinque anni et desinet Ephraim esse populus

⁵ vae Assur virga furoris mei et baculus ipse in manu eorum indignatio mea ⁶ ad gentem fallacem mittam eum et contra populum furoris mei mandabo illi ut auferat spolia et diripiat praedam et ponat illum in conculcationem quasi lutum platearum ⁷ ipse autem non sic arbitrabitur et cor eius non ita aestimabit sed ad conterendum erit cor eius et ad internicionem gentium non paucarum

¹ in diebus illis aegrotavit Ezechias usque ad mortem et introivit ad eum Isaias filius Amos propheta et dixit ei haec dicit Dominus dispone domui tuae quia morieris tu et non vives ² et convertit Ezechias faciem suam ad parietem et oravit ad Dominum ³ et dixit obsecro Domine memento quaeso quomodo ambulaverim coram te in veritate et in corde perfecto et quod bonum est in oculis tuis fecerim et flevit Ezechias fletu magno ⁴ et factum est verbum Domini ad Isaiam dicens ⁵ vade et dic Ezechiae haec dicit Dominus Deus David patris tui audivi orationem tuam vidi lacrimam tuam ecce ego adiciam super dies tuos quindecim annos ⁶ et de manu regis Assyriorum eruam te et civitatem istam et protegam eam ⁷ hoc autem tibi erit signum a Domino quia faciet Dominus verbum hoc quod locutus est ⁸ ecce ego reverti faciam umbram linearum per quas descenderat in horologio Ahaz in sole retrorsum decem lineis et reversus est sol decem lineis per gradus quos descenderat ⁹ scriptura Ezechiae regis Iuda cum aegrotasset et convaluisset de infirmitate sua ¹⁰ ego dixi in dimidio dierum meorum vadam ad portas inferi quaesivi residuum annorum meorum ¹¹ dixi non videbo Dominum Dominum in terra viventium non aspiciam hominem ultra et habitatorem quievit ¹² generatio mea ablata est et convoluta est a me quasi tabernaculum pastorum praecisa est velut a texente vita mea dum adhuc ordirer succidit me de mane usque ad vesperam finies me ¹³ sperabam usque ad mane quasi leo sic contrivit omnia ossa mea de mane usque ad vesperam finies me ¹⁴ sicut pullus hirundinis sic clamabo meditabor ut columba adtenuati sunt oculi mei suspicientes in excelsum Domine vim patior sponde pro me ¹⁵ quid dicam aut quid respondebit mihi cum ipse fecerit recogitabo omnes annos meos in amaritudine animae meae ¹⁶ Domine sic vivitur et in talibus vita spiritus mei corripies me et vivificabis me ¹⁷ ecce in pace amaritudo mea amarissima tu autem eruisti animam meam ut non periret proiecisti post tergum tuum omnia peccata mea ¹⁸ quia non infernus confitebitur tibi neque mors laudabit te non expectabunt qui descendunt in lacum veritatem tuam ¹⁹ vivens vivens ipse confitebitur tibi sicut et ego hodie pater filiis notam faciet veritatem tuam ²⁰ Domine salvum me fac et psalmos nostros cantabimus cunctis diebus vitae nostrae in domo Domini ²¹ et iussit Isaias ut tollerent massam de ficis et cataplasmarent super vulnus et sanaretur ²² et dixit Ezechias quod erit signum quia ascendam in domo Domini

¹⁶ ecce ego mittam piscatores multos dicit Dominus et piscabuntur eos et post haec mittam eis multos venatores et venabuntur eos de omni monte et de omni colle et de cavernis petrarum

²⁹ quia ecce in civitate in qua invocatum est nomen meum ego incipio adfligere et vos quasi innocentes inmunes eritis non eritis inmunes gladium enim ego voco super omnes habitatores terrae dicit Dominus exercituum

¹⁰ et dices ad eos haec dicit Dominus exercituum Deus Israhel ecce ego mittam et adsumam Nabuchodonosor regem Babylonis servum meum et ponam thronum eius super lapides istos quos abscondi et statuet solium suum super eos

¹² et ego quasi tinea Ephraim et quasi putredo domui Iuda ¹³ et vidit Ephraim languorem suum et Iudas vinculum suum et abiit Ephraim ad Assur et misit ad regem ultorem et ipse non poterit sanare vos nec solvere poterit a vobis vinculum

²⁸ his autem fieri incipientibus respicite et levate capita vestra quoniam adpropinquat redemptio vestra