2 Corinthians 7:3 Cross References - Vulgate

³ non ad condemnationem dico praedixi enim quod in cordibus nostris estis ad conmoriendum et ad convivendum

¹⁶ quae respondit ne adverseris mihi ut relinquam te et abeam quocumque perrexeris pergam ubi morata fueris et ego pariter morabor populus tuus populus meus et Deus tuus Deus meus ¹⁷ quae te morientem terra susceperit in ea moriar ibique locum accipiam sepulturae haec mihi faciat Deus et haec addat si non sola mors me et te separaverit

¹⁴ non ut confundam vos haec scribo sed ut filios meos carissimos moneo ¹⁵ nam si decem milia pedagogorum habeatis in Christo sed non multos patres nam in Christo Iesu per evangelium ego vos genui

⁴ nam ex multa tribulatione et angustia cordis scripsi vobis per multas lacrimas non ut contristemini sed ut sciatis quam caritatem habeo abundantius in vobis ⁵ si quis autem contristavit non me contristavit sed ex parte ut non onerem omnes vos

² epistula nostra vos estis scripta in cordibus nostris quae scitur et legitur ab omnibus hominibus

¹¹ os nostrum patet ad vos o Corinthii cor nostrum dilatatum est ¹² non angustiamini in nobis angustiamini autem in visceribus vestris

¹² igitur et si scripsi vobis non propter eum qui fecit iniuriam nec propter eum qui passus est sed ad manifestandam sollicitudinem nostram quam pro vobis habemus ad vos coram Deo

¹¹ quare quia non diligo vos Deus scit

¹⁵ ego autem libentissime inpendam et superinpendar ipse pro animabus vestris licet plus vos diligens minus diligar

¹⁰ ideo haec absens scribo ut non praesens durius agam secundum potestatem quam Dominus dedit mihi in aedificationem et non in destructionem

⁸ testis enim mihi est Deus quomodo cupiam omnes vos in visceribus Christi Iesu ⁹ et hoc oro ut caritas vestra magis ac magis abundet in scientia et omni sensu

⁸ ita desiderantes vos cupide volebamus tradere vobis non solum evangelium Dei sed etiam animas nostras quoniam carissimi nobis facti estis