2 Corinthians 11:6 Cross References - Vulgate

⁶ et si inperitus sermone sed non scientia in omnibus autem manifestatus sum vobis

¹⁷ non enim misit me Christus baptizare sed evangelizare non in sapientia verbi ut non evacuetur crux Christi

²¹ nam quia in Dei sapientia non cognovit mundus per sapientiam Deum placuit Deo per stultitiam praedicationis salvos facere credentes

¹ et ego cum venissem ad vos fratres veni non per sublimitatem sermonis aut sapientiae adnuntians vobis testimonium Christi ² non enim iudicavi scire me aliquid inter vos nisi Iesum Christum et hunc crucifixum ³ et ego in infirmitate et timore et tremore multo fui apud vos

¹³ quae et loquimur non in doctis humanae sapientiae verbis sed in doctrina Spiritus spiritalibus spiritalia conparantes

² sed abdicamus occulta dedecoris non ambulantes in astutia neque adulterantes verbum Dei sed in manifestatione veritatis commendantes nosmet ipsos ad omnem conscientiam hominum coram Deo

¹¹ scientes ergo timorem Domini hominibus suademus Deo autem manifesti sumus spero autem et in conscientiis vestris manifestos nos esse

² capite nos neminem laesimus neminem corrupimus neminem circumvenimus

¹⁰ quoniam quidem epistulae inquiunt graves sunt et fortes praesentia autem corporis infirma et sermo contemptibilis

¹² signa tamen apostoli facta sunt super vos in omni patientia signis et prodigiis et virtutibus

⁴ prout potestis legentes intellegere prudentiam meam in mysterio Christi

¹⁵ et Domini nostri longanimitatem salutem arbitramini sicut et carissimus frater noster Paulus secundum datam sibi sapientiam scripsit vobis ¹⁶ sicut et in omnibus epistulis loquens in eis de his in quibus sunt quaedam difficilia intellectu quae indocti et instabiles depravant sicut et ceteras scripturas ad suam ipsorum perditionem