1 John 4:13 Cross References - Vulgate

¹³ in hoc intellegimus quoniam in eo manemus et ipse in nobis quoniam de Spiritu suo dedit nobis

²⁰ in illo die vos cognoscetis quia ego sum in Patre meo et vos in me et ego in vobis ²¹ qui habet mandata mea et servat ea ille est qui diligit me qui autem diligit me diligetur a Patre meo et ego diligam eum et manifestabo ei me ipsum ²² dicit ei Iudas non ille Scariotis Domine quid factum est quia nobis manifestaturus es te ipsum et non mundo ²³ respondit Iesus et dixit ei si quis diligit me sermonem meum servabit et Pater meus diliget eum et ad eum veniemus et mansiones apud eum faciemus ²⁴ qui non diligit me sermones meos non servat et sermonem quem audistis non est meus sed eius qui misit me Patris ²⁵ haec locutus sum vobis apud vos manens ²⁶ paracletus autem Spiritus Sanctus quem mittet Pater in nomine meo ille vos docebit omnia et suggeret vobis omnia quaecumque dixero vobis

⁹ vos autem in carne non estis sed in Spiritu si tamen Spiritus Dei habitat in vobis si quis autem Spiritum Christi non habet hic non est eius ¹⁰ si autem Christus in vobis est corpus quidem mortuum est propter peccatum spiritus vero vita propter iustificationem ¹¹ quod si Spiritus eius qui suscitavit Iesum a mortuis habitat in vobis qui suscitavit Iesum Christum a mortuis vivificabit et mortalia corpora vestra propter inhabitantem Spiritum eius in vobis ¹² ergo fratres debitores sumus non carni ut secundum carnem vivamus ¹³ si enim secundum carnem vixeritis moriemini si autem Spiritu facta carnis mortificatis vivetis ¹⁴ quicumque enim Spiritu Dei aguntur hii filii sunt Dei ¹⁵ non enim accepistis spiritum servitutis iterum in timore sed accepistis Spiritum adoptionis filiorum in quo clamamus Abba Pater ¹⁶ ipse Spiritus testimonium reddit spiritui nostro quod sumus filii Dei ¹⁷ si autem filii et heredes heredes quidem Dei coheredes autem Christi si tamen conpatimur ut et conglorificemur

¹² nos autem non spiritum mundi accepimus sed Spiritum qui ex Deo est ut sciamus quae a Deo donata sunt nobis

¹⁶ nescitis quia templum Dei estis et Spiritus Dei habitat in vobis ¹⁷ si quis autem templum Dei violaverit disperdet illum Deus templum enim Dei sanctum est quod estis vos

¹⁹ an nescitis quoniam membra vestra templum est Spiritus Sancti qui in vobis est quem habetis a Deo et non estis vestri

²² fructus autem Spiritus est caritas gaudium pax longanimitas bonitas benignitas ²³ fides modestia continentia adversus huiusmodi non est lex ²⁴ qui autem sunt Christi carnem crucifixerunt cum vitiis et concupiscentiis ²⁵ si vivimus spiritu spiritu et ambulemus

²⁰ superaedificati super fundamentum apostolorum et prophetarum ipso summo angulari lapide Christo Iesu ²¹ in quo omnis aedificatio constructa crescit in templum sanctum in Domino ²² in quo et vos coaedificamini in habitaculum Dei in Spiritu

²⁴ et qui servat mandata eius in illo manet et ipse in eo et in hoc scimus quoniam manet in nobis de Spiritu quem nobis dedit

¹⁵ quisque confessus fuerit quoniam Iesus est Filius Dei Deus in eo manet et ipse in Deo ¹⁶ et nos cognovimus et credidimus caritati quam habet Deus in nobis Deus caritas est et qui manet in caritate in Deo manet et Deus in eo