1 Corinthians 3:11 Cross References - Vulgate

¹¹ fundamentum enim aliud nemo potest ponere praeter id quod positum est qui est Christus Iesus

¹⁶ idcirco haec dicit Dominus Deus ecce ego mittam in fundamentis Sion lapidem lapidem probatum angularem pretiosum in fundamento fundatum qui crediderit non festinet

¹⁸ et ego dico tibi quia tu es Petrus et super hanc petram aedificabo ecclesiam meam et portae inferi non praevalebunt adversum eam

¹¹ hic est lapis qui reprobatus est a vobis aedificantibus qui factus est in caput anguli ¹² et non est in alio aliquo salus nec enim nomen aliud est sub caelo datum hominibus in quo oportet nos salvos fieri

² aemulor enim vos Dei aemulatione despondi enim vos uni viro virginem castam exhibere Christo ³ timeo autem ne sicut serpens Evam seduxit astutia sua ita corrumpantur sensus vestri et excidant a simplicitate quae est in Christo ⁴ nam si is qui venit alium Christum praedicat quem non praedicavimus aut alium spiritum accipitis quem non accepistis aut aliud evangelium quod non recepistis recte pateremini

⁷ quod non est aliud nisi sunt aliqui qui vos conturbant et volunt convertere evangelium Christi ⁸ sed licet nos aut angelus de caelo evangelizet vobis praeterquam quod evangelizavimus vobis anathema sit ⁹ sicut praediximus et nunc iterum dico si quis vobis evangelizaverit praeter id quod accepistis anathema sit

²⁰ superaedificati super fundamentum apostolorum et prophetarum ipso summo angulari lapide Christo Iesu

¹⁹ sed firmum fundamentum Dei stetit habens signaculum hoc cognovit Dominus qui sunt eius et discedat ab iniquitate omnis qui nominat nomen Domini

⁶ propter quod continet in scriptura ecce pono in Sion lapidem summum angularem electum pretiosum et qui crediderit in eo non confundetur ⁷ vobis igitur honor credentibus non credentibus autem lapis quem reprobaverunt aedificantes hic factus est in caput anguli ⁸ et lapis offensionis et petra scandali qui offendunt verbo nec credunt in quod et positi sunt