Psalms 97:4 Cross References - Haitian

⁴ Kout zèklè li yo klere toupatou. Moun ki sou latè wè sa, yo pran tranble.

¹⁶ Sou twazyèm jou a vre, nan granmaten, loraj t'ap gwonde sou mòn lan. Te gen zèklè ak yon gwo nwaj byen pwès sou mòn lan tou. Yon twonpèt t'ap kònen byen fò. Tout moun t'ap tranble kou fèy bwa kote yo te ye a, sitèlman yo te pè. ¹⁷ Moyiz fè pèp la soti kote yo te moute tant yo a pou y al kontre Bondye. Yo rete nan pye mòn lan. ¹⁸ Tout mòn Sinayi a te kouvri nèt ak lafimen, paske Seyè a te desann sou li nan mitan yon gwo dife. Lafimen t'ap moute tankou nan yon fou lacho. Tout mòn lan t'ap tranble avèk fòs.

⁶ Bondye fè tè a tranble kote l' chita a. Li souke poto ki soutni l' yo.

¹⁸ Nwaj yo pran vide gwo lapli, kout loraj pran woule nan nwaj yo, kout zèklè fè yanyan nan tout syèl la.

⁹ Adore Bondye nan bèl kay ki apa pou li a! Nou tout ki sou latè, tranble devan li.

³² Li gade latè, latè pran tranble. Li manyen mòn yo, mòn yo pran fè lafimen.

⁷ Ou menm latè, tranble devan Seyè a, devan Bondye Jakòb la.

⁵ Seyè, bese syèl la, desann. Manyen mòn yo, fè yo fè lafimen. ⁶ Voye flèch ou yo. Fè lènmi m' yo gaye. Fè yo kouri ak kout zèklè.

¹⁰ Men ou menm Seyè, ou se Bondye tout bon an, Bondye vivan an, Wa ki la pou tout tan an. Lè ou ankòlè, tout latè pran tranble, nasyon yo pa ka sipòte.

⁵⁰ Jezi bay yon gwo rèl ankò, epi li mouri. ⁵¹ Menm lè a, rido ki te nan tanp lan chire an de moso, depi anwo jouk anba. Tè a tranble. Wòch yo fann.

² Yo rete konsa, epi tè a pran tranble byen fò. Yon zanj Bondye desann soti nan syèl la, li vini, li woule wòch la sou kote, lèfini li chita sou li. ³ Li te klere tankou yon zèklè, rad li te blan kou lanèj.

¹⁹ Lè sa a, pòt tanp Bondye nan sièl la louvri byen gran. Yo te ka wè bwat ki te gen kontra Bondye a anndan tanp lan. Zèklè pran klere, kout loraj pran gwonde, moun tande tout kalite bri. Tè a tranble, lagrèl t'ap tonbe an kantite.

¹¹ Apre sa, mwen wè sièl la louvri, epi o! yon chwal blan parèt. Yo te rele moun ki sou li a: Nonm serie ki pa nan bay manti. L'ap jije, l'ap mennen batay la jan sa dwe fèt.