Psalms 71:15 Cross References - Haitian

¹⁵ M'ap fè konnen jan ou san patipri. Tout lajounen m'a fè konnen jan ou delivre mwen, paske se bagay moun p'ap janm fin konprann.

²² Wete m' nan bouch lyon yo. Delivre m' anba towo savann sa yo. Ou reponn mwen, Seyè! ²³ M'a di frè m' yo tout sa ou te fè pou mwen. M'a fè lwanj ou lè yo tout reyini ansanm. ²⁴ Nou tout ki gen krentif pou Seyè a, fè lwanj li. Nou tout pitit pitit Jakòb yo, chante pou li. Nou tout pèp Izrayèl la, adore li. ²⁵ Li pa meprize pòv yo, li pa fèmen je l' sou soufrans yo. Li pa rete lwen yo. Lè yo rele l', li reponn.

¹² Ou siye dlo nan je m', ou fè kè m' kontan anpil. Ou wete rad dèy ki te sou mwen an, ou ban m' yon bèl rad mete sou mwen pou m' fè fèt. Mwen p'ap rete ak bouch mwen fèmen, m'ap chante lwanj ou. Seyè, se ou menm ki Bondye mwen! Se tout tan tout tan m'ap di ou mèsi.

²⁸ Lè sa a, m'a fè konnen jistis ou, m'a fè lwanj ou tout lajounen.

⁵ Ala bon sa bon pou moun ki mete konfyans yo nan Seyè a, pou moun ki p'ap swiv ni moun k'ap fè awogans yo ni moun k'ap bay manti yo!

⁹ Bondye mwen, mwen pran plezi m' nan fè sa ou vle m' fè. Wi, mwen kenbe lalwa ou nan fon kè m' ¹⁰ Seyè, lè tout pèp Bondye a te reyini, mwen te fè yo konnen jan ou fè nou gras. Wi, ou konn sa, mwen p'ap rete ak bouch mwen fèmen.

¹² Seyè, ou pa janm sispann gen pitye pou mwen. W'ap toujou pwoteje m', paske ou renmen m'. Ou p'ap janm lage m'.

⁸ Tout lajounen lwanj ou nan bouch mwen. M'ap fè konnen jan ou gen pouvwa.

²⁴ Tout lajounen m'a fè konnen jan ou pa nan patipri, paske moun ki te vle wè malè rive m' yo gen pou yo wont. Yo p'ap konn sa pou yo fè.

¹⁶ Ala bon sa bon lè yon pèp gen kè kontan, lè l'ap viv yon jan ki fè ou plezi!

¹⁷ Bondye, sa ki nan tèt ou twò difisil pou m' konprann, lèfini yo anpil! ¹⁸ Si m' ta vle konte yo, yo ta pi plis pase grenn sab ki bò lanmè. Si m' ta janm rive fin konte yo, mwen p'ap pi konnen ou pase sa.

² Chak jou m'ap di ou mèsi. M'ap fè lwanj ou tout tan tout tan.

⁵ M'a rakonte jan ou gen pouvwa, jan ou gen fòs. M'a fè konnen bèl mèvèy ou yo. ⁶ Y'a di jan ou gen pouvwa kifè moun respekte ou. M'a rakonte jan ou gen fòs. ⁷ Y'a fè tout moun chonje jan ou gen bon kè. Y'a chante pou ou, paske ou pa nan patipri. ⁸ Seyè a gen pitye pou nou. Li gen bon kè. Li pa fasil fè kòlè. Li p'ap janm sispann renmen nou! ⁹ Seyè a bon pou tout moun san patipri. Li gen pitye pou tou sa li fè. ¹⁰ Seyè, tou sa ou fè ap fè lwanj ou! Tout moun pa ou yo ap di ou mèsi! ¹¹ Y'a di jan ou gouvènen avèk otorite. Y'a fè konnen jan ou gen pouvwa, ¹² pou tout moun ka konnen jan ou gen fòs, jan ou gouvènen avèk otorite. ¹³ Gouvènman ou lan la pou tout tan. W'ap dominen pou tout tan. Seyè a ap toujou kenbe pawòl li yo, Li bon nan tou sa li fè. ¹⁴ L'ap soutni tout moun k'ap tonbe. Li bay tout moun ki nan lafliksyon kouraj.