Zechariah 8:4 Cross References - HOT

4 כה אמר יהוה צבאות עד ישׁבו זקנים וזקנות ברחבות ירושׁלם ואישׁ משׁענתו בידו מרב ימים׃

1 Samuel 2:31

31 הנה ימים באים וגדעתי את זרעך ואת זרע בית אביך מהיות זקן בביתך׃

Job 5:26

26 תבוא בכלח אלי קבר כעלות גדישׁ בעתו׃

Job 42:17

17 וימת איוב זקן ושׂבע ימים׃

Isaiah 65:20-22

20 לא יהיה משׁם עוד עול ימים וזקן אשׁר לא ימלא את ימיו כי הנער בן מאה שׁנה ימות והחוטא בן מאה שׁנה יקלל׃21 ובנו בתים וישׁבו ונטעו כרמים ואכלו פרים׃22 לא יבנו ואחר ישׁב לא יטעו ואחר יאכל כי כימי העץ ימי עמי ומעשׂה ידיהם יבלו בחירי׃

Lamentations 2:20-22

20 ראה יהוה והביטה למי עוללת כה אם תאכלנה נשׁים פרים עללי טפחים אם יהרג במקדשׁ אדני כהן ונביא׃21 שׁכבו לארץ חוצות נער וזקן בתולתי ובחורי נפלו בחרב הרגת ביום אפך טבחת לא חמלת׃22 תקרא כיום מועד מגורי מסביב ולא היה ביום אף יהוה פליט ושׂריד אשׁר טפחתי ורביתי איבי כלם׃

Lamentations 5:11-15

11 נשׁים בציון ענו בתלת בערי יהודה׃12 שׂרים בידם נתלו פני זקנים לא נהדרו׃13 בחורים טחון נשׂאו ונערים בעץ כשׁלו׃14 זקנים משׁער שׁבתו בחורים מנגינתם׃15 שׁבת משׂושׂ לבנו נהפך לאבל מחלנו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.