Song of Songs 2:11 Cross References - HOT

11 כי הנה הסתו עבר הגשׁם חלף הלך׃

Ecclesiastes 3:4

4 עת לבכות ועת לשׂחוק עת ספוד ועת רקוד׃

Ecclesiastes 3:11

11 את הכל עשׂה יפה בעתו גם את העלם נתן בלבם מבלי אשׁר לא ימצא האדם את המעשׂה אשׁר עשׂה האלהים מראשׁ ועד סוף׃

Isaiah 12:1-2

1 ואמרת ביום ההוא אודך יהוה כי אנפת בי ישׁב אפך ותנחמני׃2 הנה אל ישׁועתי אבטח ולא אפחד כי עזי וזמרת יה יהוה ויהי לי לישׁועה׃

Isaiah 40:2

2 דברו על לב ירושׁלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה׃

Isaiah 54:6-8

6 כי כאשׁה עזובה ועצובת רוח קראך יהוה ואשׁת נעורים כי תמאס אמר אלהיך׃7 ברגע קטן עזבתיך וברחמים גדלים אקבצך׃8 בשׁצף קצף הסתרתי פני רגע ממך ובחסד עולם רחמתיך אמר גאלך יהוה׃

Isaiah 60:1-2

1 קומי אורי כי בא אורך וכבוד יהוה עליך זרח׃2 כי הנה החשׁך יכסה ארץ וערפל לאמים ועליך יזרח יהוה וכבודו עליך יראה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.