14 כמעט הייתי בכל רע בתוך קהל ועדה׃
Proverbs 5:14 Cross References - HOT
Numbers 25:1-6
1 וישׁב ישׂראל בשׁטים ויחל העם לזנות אל בנות מואב׃2 ותקראן לעם לזבחי אלהיהן ויאכל העם וישׁתחוו לאלהיהן׃3 ויצמד ישׂראל לבעל פעור ויחר אף יהוה בישׂראל׃4 ויאמר יהוה אל משׁה קח את כל ראשׁי העם והוקע אותם ליהוה נגד השׁמשׁ וישׁב חרון אף יהוה מישׂראל׃5 ויאמר משׁה אל שׁפטי ישׂראל הרגו אישׁ אנשׁיו הנצמדים לבעל פעור׃6 והנה אישׁ מבני ישׂראל בא ויקרב אל אחיו את המדינית לעיני משׁה ולעיני כל עדת בני ישׂראל והמה בכים פתח אהל מועד׃
Proverbs 13:20
20 הלוך את חכמים וחכם ורעה כסילים ירוע׃
Hosea 4:11-14
11 זנות ויין ותירושׁ יקח לב׃12 עמי בעצו ישׁאל ומקלו יגיד לו כי רוח זנונים התעה ויזנו מתחת אלהיהם׃13 על ראשׁי ההרים יזבחו ועל הגבעות יקטרו תחת אלון ולבנה ואלה כי טוב צלה על כן תזנינה בנותיכם וכלותיכם תנאפנה׃14 לא אפקוד על בנותיכם כי תזנינה ועל כלותיכם כי תנאפנה כי הם עם הזנות יפרדו ועם הקדשׁות יזבחו ועם לא יבין ילבט׃