Proverbs 4:17 Cross References - HOT

17 כי לחמו לחם רשׁע ויין חמסים ישׁתו׃

Job 24:5-6

5 הן פראים במדבר יצאו בפעלם משׁחרי לטרף ערבה לו לחם לנערים׃6 בשׂדה בלילו יקצירו וכרם רשׁע ילקשׁו׃

Psalms 14:4

4 הלא ידעו כל פעלי און אכלי עמי אכלו לחם יהוה לא קראו׃

Proverbs 9:17

17 מים גנובים ימתקו ולחם סתרים ינעם׃

Proverbs 20:17

17 ערב לאישׁ לחם שׁקר ואחר ימלא פיהו חצץ׃

Jeremiah 5:26-28

26 כי נמצאו בעמי רשׁעים ישׁור כשׁך יקושׁים הציבו משׁחית אנשׁים ילכדו׃27 ככלוב מלא עוף כן בתיהם מלאים מרמה על כן גדלו ויעשׁירו׃28 שׁמנו עשׁתו גם עברו דברי רע דין לא דנו דין יתום ויצליחו ומשׁפט אביונים לא שׁפטו׃

Ezekiel 22:25-29

25 קשׁר נביאיה בתוכה כארי שׁואג טרף טרף נפשׁ אכלו חסן ויקר יקחו אלמנותיה הרבו בתוכה׃26 כהניה חמסו תורתי ויחללו קדשׁי בין קדשׁ לחל לא הבדילו ובין הטמא לטהור לא הודיעו ומשׁבתותי העלימו עיניהם ואחל בתוכם׃27 שׂריה בקרבה כזאבים טרפי טרף לשׁפך דם לאבד נפשׁות למען בצע בצע׃28 ונביאיה טחו להם תפל חזים שׁוא וקסמים להם כזב אמרים כה אמר אדני יהוה ויהוה לא דבר׃29 עם הארץ עשׁקו עשׁק וגזלו גזל ועני ואביון הונו ואת הגר עשׁקו בלא משׁפט׃

Amos 8:4-6

4 שׁמעו זאת השׁאפים אביון ולשׁבית ענוי ארץ׃5 לאמר מתי יעבר החדשׁ ונשׁבירה שׁבר והשׁבת ונפתחה בר להקטין איפה ולהגדיל שׁקל ולעות מאזני מרמה׃6 לקנות בכסף דלים ואביון בעבור נעלים ומפל בר נשׁביר׃

Micah 3:5

5 כה אמר יהוה על הנביאים המתעים את עמי הנשׁכים בשׁניהם וקראו שׁלום ואשׁר לא יתן על פיהם וקדשׁו עליו מלחמה׃

Micah 6:12

12 אשׁר עשׁיריה מלאו חמס וישׁביה דברו שׁקר ולשׁונם רמיה בפיהם׃

Zephaniah 3:3

3 שׂריה בקרבה אריות שׁאגים שׁפטיה זאבי ערב לא גרמו לבקר׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.