Proverbs 3:3 Cross References - HOT

3 חסד ואמת אל יעזבך קשׁרם על גרגרותיך כתבם על לוח לבך׃

Exodus 13:9

9 והיה לך לאות על ידך ולזכרון בין עיניך למען תהיה תורת יהוה בפיך כי ביד חזקה הוצאך יהוה ממצרים׃

Deuteronomy 6:8

8 וקשׁרתם לאות על ידך והיו לטטפת בין עיניך׃

Deuteronomy 11:18-21

18 ושׂמתם את דברי אלה על לבבכם ועל נפשׁכם וקשׁרתם אתם לאות על ידכם והיו לטוטפת בין עיניכם׃19 ולמדתם אתם את בניכם לדבר בם בשׁבתך בביתך ובלכתך בדרך ובשׁכבך ובקומך׃20 וכתבתם על מזוזות ביתך ובשׁעריך׃21 למען ירבו ימיכם וימי בניכם על האדמה אשׁר נשׁבע יהוה לאבתיכם לתת להם כימי השׁמים על הארץ׃

2 Samuel 15:20

20 תמול בואך והיום אנועך עמנו ללכת ואני הולך על אשׁר אני הולך שׁוב והשׁב את אחיך עמך חסד ואמת׃

Psalms 25:10

10 כל ארחות יהוה חסד ואמת לנצרי בריתו ועדתיו׃

Psalms 119:11

11 בלבי צפנתי אמרתך למען לא אחטא׃

Proverbs 1:9

9 כי לוית חן הם לראשׁך וענקים לגרגרתיך׃

Proverbs 6:21

21 קשׁרם על לבך תמיד ענדם על גרגרתך׃

Proverbs 7:3

3 קשׁרם על אצבעתיך כתבם על לוח לבך׃

Proverbs 16:6

6 בחסד ואמת יכפר עון וביראת יהוה סור מרע׃

Proverbs 20:28

28 חסד ואמת יצרו מלך וסעד בחסד כסאו׃

Jeremiah 17:1

1 חטאת יהודה כתובה בעט ברזל בצפרן שׁמיר חרושׁה על לוח לבם ולקרנות מזבחותיכם׃

Hosea 4:1

1 שׁמעו דבר יהוה בני ישׂראל כי ריב ליהוה עם יושׁבי הארץ כי אין אמת ואין חסד ואין דעת אלהים בארץ׃

Micah 7:18-20

18 מי אל כמוך נשׂא עון ועבר על פשׁע לשׁארית נחלתו לא החזיק לעד אפו כי חפץ חסד הוא׃19 ישׁוב ירחמנו יכבשׁ עונתינו ותשׁליך במצלות ים כל חטאותם׃20 תתן אמת ליעקב חסד לאברהם אשׁר נשׁבעת לאבתינו מימי קדם׃

Malachi 2:6

6 תורת אמת היתה בפיהו ועולה לא נמצא בשׂפתיו בשׁלום ובמישׁור הלך אתי ורבים השׁיב מעון׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.