Proverbs 31:13 Cross References - HOT

¹³ דרשׁה צמר ופשׁתים ותעשׂ בחפץ כפיה׃

Genesis 18:6-8

⁶ וימהר אברהם האהלה אל שׂרה ויאמר מהרי שׁלשׁ סאים קמח סלת לושׁי ועשׂי עגות׃⁷ ואל הבקר רץ אברהם ויקח בן בקר רך וטוב ויתן אל הנער וימהר לעשׂות אתו׃⁸ ויקח חמאה וחלב ובן הבקר אשׁר עשׂה ויתן לפניהם והוא עמד עליהם תחת העץ ויאכלו׃

Genesis 24:13-14

¹³ הנה אנכי נצב על עין המים ובנות אנשׁי העיר יצאת לשׁאב מים׃¹⁴ והיה הנער אשׁר אמר אליה הטי נא כדך ואשׁתה ואמרה שׁתה וגם גמליך אשׁקה אתה הכחת לעבדך ליצחק ובה אדע כי עשׂית חסד עם אדני׃

Genesis 24:18-20

¹⁸ ותאמר שׁתה אדני ותמהר ותרד כדה על ידה ותשׁקהו׃¹⁹ ותכל להשׁקתו ותאמר גם לגמליך אשׁאב עד אם כלו לשׁתת׃²⁰ ותמהר ותער כדה אל השׁקת ותרץ עוד אל הבאר לשׁאב ותשׁאב לכל גמליו׃

Genesis 29:9-10

⁹ עודנו מדבר עמם ורחל באה עם הצאן אשׁר לאביה כי רעה הוא׃¹⁰ ויהי כאשׁר ראה יעקב את רחל בת לבן אחי אמו ואת צאן לבן אחי אמו ויגשׁ יעקב ויגל את האבן מעל פי הבאר וישׁק את צאן לבן אחי אמו׃

Exodus 2:16

¹⁶ ולכהן מדין שׁבע בנות ותבאנה ותדלנה ותמלאנה את הרהטים להשׁקות צאן אביהן׃

Ruth 2:2-3

² ותאמר רות המואביה אל נעמי אלכה נא השׂדה ואלקטה בשׁבלים אחר אשׁר אמצא חן בעיניו ותאמר לה לכי בתי׃³ ותלך ותבוא ותלקט בשׂדה אחרי הקצרים ויקר מקרה חלקת השׂדה לבעז אשׁר ממשׁפחת אלימלך׃

Ruth 2:23

²³ ותדבק בנערות בעז ללקט עד כלות קציר השׂערים וקציר החטים ותשׁב את חמותה׃

Isaiah 3:16-24

¹⁶ ויאמר יהוה יען כי גבהו בנות ציון ותלכנה נטוות גרון ומשׂקרות עינים הלוך וטפף תלכנה וברגליהם תעכסנה׃¹⁷ ושׂפח אדני קדקד בנות ציון ויהוה פתהן יערה׃¹⁸ ביום ההוא יסיר אדני את תפארת העכסים והשׁביסים והשׂהרנים׃¹⁹ הנטיפות והשׁירות והרעלות׃²⁰ הפארים והצעדות והקשׁרים ובתי הנפשׁ והלחשׁים׃²¹ הטבעות ונזמי האף׃²² המחלצות והמעטפות והמטפחות והחריטים׃²³ והגלינים והסדינים והצניפות והרדידים׃²⁴ והיה תחת בשׂם מק יהיה ותחת חגורה נקפה ותחת מעשׂה מקשׁה קרחה ותחת פתיגיל מחגרת שׂק כי תחת יפי׃

Isaiah 32:9-11

⁹ נשׁים שׁאננות קמנה שׁמענה קולי בנות בטחות האזנה אמרתי׃¹⁰ ימים על שׁנה תרגזנה בטחות כי כלה בציר אסף בלי יבוא׃¹¹ חרדו שׁאננות רגזה בטחות פשׁטה וערה וחגורה על חלצים׃