Proverbs 14:19 Cross References - HOT

19 שׁחו רעים לפני טובים ורשׁעים על שׁערי צדיק׃

Genesis 42:6

6 ויוסף הוא השׁליט על הארץ הוא המשׁביר לכל עם הארץ ויבאו אחי יוסף וישׁתחוו לו אפים ארצה׃

Genesis 43:28

28 ויאמרו שׁלום לעבדך לאבינו עודנו חי ויקדו וישׁתחו׃

Exodus 8:8

8 (8:4) ויקרא פרעה למשׁה ולאהרן ויאמר העתירו אל יהוה ויסר הצפרדעים ממני ומעמי ואשׁלחה את העם ויזבחו ליהוה׃

Exodus 9:27-28

27 וישׁלח פרעה ויקרא למשׁה ולאהרן ויאמר אלהם חטאתי הפעם יהוה הצדיק ואני ועמי הרשׁעים׃28 העתירו אל יהוה ורב מהית קלת אלהים וברד ואשׁלחה אתכם ולא תספון לעמד׃

Exodus 11:8

8 וירדו כל עבדיך אלה אלי והשׁתחוו לי לאמר צא אתה וכל העם אשׁר ברגליך ואחרי כן אצא ויצא מעם פרעה בחרי אף׃

1 Samuel 2:36

36 והיה כל הנותר בביתך יבוא להשׁתחות לו לאגורת כסף וככר לחם ואמר ספחני נא אל אחת הכהנות לאכל פת לחם׃

2 Kings 3:12

12 ויאמר יהושׁפט ישׁ אותו דבר יהוה וירדו אליו מלך ישׂראל ויהושׁפט ומלך אדום׃

Esther 7:7-8

7 והמלך קם בחמתו ממשׁתה היין אל גנת הביתן והמן עמד לבקשׁ על נפשׁו מאסתר המלכה כי ראה כי כלתה אליו הרעה מאת המלך׃8 והמלך שׁב מגנת הביתן אל בית משׁתה היין והמן נפל על המטה אשׁר אסתר עליה ויאמר המלך הגם לכבושׁ את המלכה עמי בבית הדבר יצא מפי המלך ופני המן חפו׃

Psalms 49:14

14 (49:15) כצאן לשׁאול שׁתו מות ירעם וירדו בם ישׁרים לבקר וצירם לבלות שׁאול מזבל׃

Proverbs 11:29

29 עוכר ביתו ינחל רוח ועבד אויל לחכם לב׃

Isaiah 60:14

14 והלכו אליך שׁחוח בני מעניך והשׁתחוו על כפות רגליך כל מנאציך וקראו לך עיר יהוה ציון קדושׁ ישׂראל׃

Micah 7:9-10

9 זעף יהוה אשׂא כי חטאתי לו עד אשׁר יריב ריבי ועשׂה משׁפטי יוציאני לאור אראה בצדקתו׃10 ותרא איבתי ותכסה בושׁה האמרה אלי איו יהוה אלהיך עיני תראינה בה עתה תהיה למרמס כטיט חוצות׃

Micah 7:16-17

16 יראו גוים ויבשׁו מכל גבורתם ישׂימו יד על פה אזניהם תחרשׁנה׃17 ילחכו עפר כנחשׁ כזחלי ארץ ירגזו ממסגרתיהם אל יהוה אלהינו יפחדו ויראו ממך׃

Malachi 4:3

3 (3:21) ועסותם רשׁעים כי יהיו אפר תחת כפות רגליכם ביום אשׁר אני עשׂה אמר יהוה צבאות׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.