4 אשׁת חיל עטרת בעלה וכרקב בעצמותיו מבישׁה׃
Proverbs 12:4 Cross References - HOT
Proverbs 14:1
1 חכמות נשׁים בנתה ביתה ואולת בידיה תהרסנו׃
Proverbs 14:30
30 חיי בשׂרים לב מרפא ורקב עצמות קנאה׃
Proverbs 19:13-14
Proverbs 21:9
9 טוב לשׁבת על פנת גג מאשׁת מדינים ובית חבר׃
Proverbs 21:19
19 טוב שׁבת בארץ מדבר מאשׁת מדונים וכעס׃
Proverbs 27:15-16
Proverbs 31:10-25
10 אשׁת חיל מי ימצא ורחק מפנינים מכרה׃11 בטח בה לב בעלה ושׁלל לא יחסר׃12 גמלתהו טוב ולא רע כל ימי חייה׃13 דרשׁה צמר ופשׁתים ותעשׂ בחפץ כפיה׃14 היתה כאניות סוחר ממרחק תביא לחמה׃15 ותקם בעוד לילה ותתן טרף לביתה וחק לנערתיה׃16 זממה שׂדה ותקחהו מפרי כפיה נטע כרם׃17 חגרה בעוז מתניה ותאמץ זרעותיה׃18 טעמה כי טוב סחרה לא יכבה בליל נרה׃19 ידיה שׁלחה בכישׁור וכפיה תמכו פלך׃20 כפה פרשׂה לעני וידיה שׁלחה לאביון׃21 לא תירא לביתה משׁלג כי כל ביתה לבשׁ שׁנים׃22 מרבדים עשׂתה לה שׁשׁ וארגמן לבושׁה׃23 נודע בשׁערים בעלה בשׁבתו עם זקני ארץ׃24 סדין עשׂתה ותמכר וחגור נתנה לכנעני׃25 עז והדר לבושׁה ותשׂחק ליום אחרון׃
Habakkuk 3:16
16 שׁמעתי ותרגז בטני לקול צללו שׂפתי יבוא רקב בעצמי ותחתי ארגז אשׁר אנוח ליום צרה לעלות לעם יגודנו׃