Numbers 28:6 Cross References - HOT

6 עלת תמיד העשׂיה בהר סיני לריח ניחח אשׁה ליהוה׃

Exodus 24:18

18 ויבא משׁה בתוך הענן ויעל אל ההר ויהי משׁה בהר ארבעים יום וארבעים לילה׃

Exodus 29:38-42

38 וזה אשׁר תעשׂה על המזבח כבשׂים בני שׁנה שׁנים ליום תמיד׃39 את הכבשׂ האחד תעשׂה בבקר ואת הכבשׂ השׁני תעשׂה בין הערבים׃40 ועשׂרן סלת בלול בשׁמן כתית רבע ההין ונסך רביעת ההין יין לכבשׂ האחד׃41 ואת הכבשׂ השׁני תעשׂה בין הערבים כמנחת הבקר וכנסכה תעשׂה לה לריח ניחח אשׁה ליהוה׃42 עלת תמיד לדרתיכם פתח אהל מועד לפני יהוה אשׁר אועד לכם שׁמה לדבר אליך שׁם׃

Exodus 31:18

18 ויתן אל משׁה ככלתו לדבר אתו בהר סיני שׁני לחת העדת לחת אבן כתבים באצבע אלהים׃

Leviticus 6:9

9 (6:2) צו את אהרן ואת בניו לאמר זאת תורת העלה הוא העלה על מוקדה על המזבח כל הלילה עד הבקר ואשׁ המזבח תוקד׃

2 Chronicles 2:4

4 (2:3) הנה אני בונה בית לשׁם יהוה אלהי להקדישׁ לו להקטיר לפניו קטרת סמים ומערכת תמיד ועלות לבקר ולערב לשׁבתות ולחדשׁים ולמועדי יהוה אלהינו לעולם זאת על ישׂראל׃

2 Chronicles 31:3

3 ומנת המלך מן רכושׁו לעלות לעלות הבקר והערב והעלות לשׁבתות ולחדשׁים ולמעדים ככתוב בתורת יהוה׃

Ezra 3:4

4 ויעשׂו את חג הסכות ככתוב ועלת יום ביום במספר כמשׁפט דבר יום ביומו׃

Psalms 50:8

8 לא על זבחיך אוכיחך ועולתיך לנגדי תמיד׃

Ezekiel 46:14

14 ומנחה תעשׂה עליו בבקר בבקר שׁשׁית האיפה ושׁמן שׁלישׁית ההין לרס את הסלת מנחה ליהוה חקות עולם תמיד׃

Amos 5:25

25 הזבחים ומנחה הגשׁתם לי במדבר ארבעים שׁנה בית ישׂראל׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.