Numbers 28:19 Cross References - HOT

19 והקרבתם אשׁה עלה ליהוה פרים בני בקר שׁנים ואיל אחד ושׁבעה כבשׂים בני שׁנה תמימם יהיו׃

Leviticus 22:20

20 כל אשׁר בו מום לא תקריבו כי לא לרצון יהיה׃

Numbers 28:31

31 מלבד עלת התמיד ומנחתו תעשׂו תמימם יהיו לכם ונסכיהם׃

Numbers 29:8

8 והקרבתם עלה ליהוה ריח ניחח פר בן בקר אחד איל אחד כבשׂים בני שׁנה שׁבעה תמימם יהיו׃

Deuteronomy 15:21

21 וכי יהיה בו מום פסח או עור כל מום רע לא תזבחנו ליהוה אלהיך׃

Ezekiel 45:21-25

21 בראשׁון בארבעה עשׂר יום לחדשׁ יהיה לכם הפסח חג שׁבעות ימים מצות יאכל׃22 ועשׂה הנשׂיא ביום ההוא בעדו ובעד כל עם הארץ פר חטאת׃23 ושׁבעת ימי החג יעשׂה עולה ליהוה שׁבעת פרים ושׁבעת אילים תמימם ליום שׁבעת הימים וחטאת שׂעיר עזים ליום׃24 ומנחה איפה לפר ואיפה לאיל יעשׂה ושׁמן הין לאיפה׃25 בשׁביעי בחמשׁה עשׂר יום לחדשׁ בחג יעשׂה כאלה שׁבעת הימים כחטאת כעלה וכמנחה וכשׁמן׃

Malachi 1:13-14

13 ואמרתם הנה מתלאה והפחתם אותו אמר יהוה צבאות והבאתם גזול ואת הפסח ואת החולה והבאתם את המנחה הארצה אותה מידכם אמר יהוה׃14 וארור נוכל וישׁ בעדרו זכר ונדר וזבח משׁחת לאדני כי מלך גדול אני אמר יהוה צבאות ושׁמי נורא בגוים׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.