12 ושׁלשׁה עשׂרנים סלת מנחה בלולה בשׁמן לפר האחד ושׁני עשׂרנים סלת מנחה בלולה בשׁמן לאיל האחד׃
Numbers 28:12 Cross References - HOT
Numbers 15:4-12
4 והקריב המקריב קרבנו ליהוה מנחה סלת עשׂרון בלול ברבעית ההין שׁמן׃5 ויין לנסך רביעית ההין תעשׂה על העלה או לזבח לכבשׂ האחד׃6 או לאיל תעשׂה מנחה סלת שׁני עשׂרנים בלולה בשׁמן שׁלשׁית ההין׃7 ויין לנסך שׁלשׁית ההין תקריב ריח ניחח ליהוה׃8 וכי תעשׂה בן בקר עלה או זבח לפלא נדר או שׁלמים ליהוה׃9 והקריב על בן הבקר מנחה סלת שׁלשׁה עשׂרנים בלול בשׁמן חצי ההין׃10 ויין תקריב לנסך חצי ההין אשׁה ריח ניחח ליהוה׃11 ככה יעשׂה לשׁור האחד או לאיל האחד או לשׂה בכבשׂים או בעזים׃12 כמספר אשׁר תעשׂו ככה תעשׂו לאחד כמספרם׃
Numbers 29:10
10 עשׂרון עשׂרון לכבשׂ האחד לשׁבעת הכבשׂים׃