Numbers 12:3 Cross References - HOT

3 והאישׁ משׁה ענו מאד מכל האדם אשׁר על פני האדמה׃

Numbers 11:10-15

10 וישׁמע משׁה את העם בכה למשׁפחתיו אישׁ לפתח אהלו ויחר אף יהוה מאד ובעיני משׁה רע׃11 ויאמר משׁה אל יהוה למה הרעת לעבדך ולמה לא מצתי חן בעיניך לשׂום את משׂא כל העם הזה עלי׃12 האנכי הריתי את כל העם הזה אם אנכי ילדתיהו כי תאמר אלי שׂאהו בחיקך כאשׁר ישׂא האמן את הינק על האדמה אשׁר נשׁבעת לאבתיו׃13 מאין לי בשׂר לתת לכל העם הזה כי יבכו עלי לאמר תנה לנו בשׂר ונאכלה׃14 לא אוכל אנכי לבדי לשׂאת את כל העם הזה כי כבד ממני׃15 ואם ככה את עשׂה לי הרגני נא הרג אם מצאתי חן בעיניך ואל אראה ברעתי׃

Numbers 20:10-12

10 ויקהלו משׁה ואהרן את הקהל אל פני הסלע ויאמר להם שׁמעו נא המרים המן הסלע הזה נוציא לכם מים׃11 וירם משׁה את ידו ויך את הסלע במטהו פעמים ויצאו מים רבים ותשׁת העדה ובעירם׃12 ויאמר יהוה אל משׁה ואל אהרן יען לא האמנתם בי להקדישׁני לעיני בני ישׂראל לכן לא תביאו את הקהל הזה אל הארץ אשׁר נתתי׃

Psalms 106:32-33

32 ויקציפו על מי מריבה וירע למשׁה בעבורם׃33 כי המרו את רוחו ויבטא בשׂפתיו׃

Psalms 147:6

6 מעודד ענוים יהוה משׁפיל רשׁעים עדי ארץ׃

Psalms 149:4

4 כי רוצה יהוה בעמו יפאר ענוים בישׁועה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.