Numbers 11:11 Cross References - HOT

11 ויאמר משׁה אל יהוה למה הרעת לעבדך ולמה לא מצתי חן בעיניך לשׂום את משׂא כל העם הזה עלי׃

Exodus 5:22

22 וישׁב משׁה אל יהוה ויאמר אדני למה הרעתה לעם הזה למה זה שׁלחתני׃

Exodus 17:4

4 ויצעק משׁה אל יהוה לאמר מה אעשׂה לעם הזה עוד מעט וסקלני׃

Numbers 11:15

15 ואם ככה את עשׂה לי הרגני נא הרג אם מצאתי חן בעיניך ואל אראה ברעתי׃

Deuteronomy 1:12

12 איכה אשׂא לבדי טרחכם ומשׂאכם וריבכם׃

Job 10:2

2 אמר אל אלוה אל תרשׁיעני הודיעני על מה תריבני׃

Psalms 130:3

3 אם עונות תשׁמר יה אדני מי יעמד׃

Psalms 143:2

2 ואל תבוא במשׁפט את עבדך כי לא יצדק לפניך כל חי׃

Jeremiah 15:10

10 אוי לי אמי כי ילדתני אישׁ ריב ואישׁ מדון לכל הארץ לא נשׁיתי ולא נשׁו בי כלה מקללוני׃

Jeremiah 15:18

18 למה היה כאבי נצח ומכתי אנושׁה מאנה הרפא היו תהיה לי כמו אכזב מים לא נאמנו׃

Jeremiah 20:7-9

7 פתיתני יהוה ואפת חזקתני ותוכל הייתי לשׂחוק כל היום כלה לעג׃8 כי מדי אדבר אזעק חמס ושׁד אקרא כי היה דבר יהוה לי לחרפה ולקלס כל היום׃9 ואמרתי לא אזכרנו ולא אדבר עוד בשׁמו והיה בלבי כאשׁ בערת עצר בעצמתי ונלאיתי כלכל ולא אוכל׃

Jeremiah 20:14-18

14 ארור היום אשׁר ילדתי בו יום אשׁר ילדתני אמי אל יהי ברוך׃15 ארור האישׁ אשׁר בשׂר את אבי לאמר ילד לך בן זכר שׂמח שׂמחהו׃16 והיה האישׁ ההוא כערים אשׁר הפך יהוה ולא נחם ושׁמע זעקה בבקר ותרועה בעת צהרים׃17 אשׁר לא מותתני מרחם ותהי לי אמי קברי ורחמה הרת עולם׃18 למה זה מרחם יצאתי לראות עמל ויגון ויכלו בבשׁת ימי׃

Lamentations 3:22-23

22 חסדי יהוה כי לא תמנו כי לא כלו רחמיו׃23 חדשׁים לבקרים רבה אמונתך׃

Lamentations 3:39-40

39 מה יתאונן אדם חי גבר על חטאו׃40 נחפשׂה דרכינו ונחקרה ונשׁובה עד יהוה׃

Malachi 3:14

14 אמרתם שׁוא עבד אלהים ומה בצע כי שׁמרנו משׁמרתו וכי הלכנו קדרנית מפני יהוה צבאות׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.