Joshua 22:20 Cross References - HOT

20 הלוא עכן בן זרח מעל מעל בחרם ועל כל עדת ישׂראל היה קצף והוא אישׁ אחד לא גוע בעונו׃

Joshua 7:1

1 וימעלו בני ישׂראל מעל בחרם ויקח עכן בן כרמי בן זבדי בן זרח למטה יהודה מן החרם ויחר אף יהוה בבני ישׂראל׃

Joshua 7:5

5 ויכו מהם אנשׁי העי כשׁלשׁים ושׁשׁה אישׁ וירדפום לפני השׁער עד השׁברים ויכום במורד וימס לבב העם ויהי למים׃

Joshua 7:18

18 ויקרב את ביתו לגברים וילכד עכן בן כרמי בן זבדי בן זרח למטה יהודה׃

Joshua 7:24

24 ויקח יהושׁע את עכן בן זרח ואת הכסף ואת האדרת ואת לשׁון הזהב ואת בניו ואת בנתיו ואת שׁורו ואת חמרו ואת צאנו ואת אהלו ואת כל אשׁר לו וכל ישׂראל עמו ויעלו אתם עמק עכור׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.