Isaiah 61:3 Cross References - HOT

3 לשׂום לאבלי ציון לתת להם פאר תחת אפר שׁמן שׂשׂון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

Esther 4:1-3

1 ומרדכי ידע את כל אשׁר נעשׂה ויקרע מרדכי את בגדיו וילבשׁ שׂק ואפר ויצא בתוך העיר ויזעק זעקה גדולה ומרה׃2 ויבוא עד לפני שׁער המלך כי אין לבוא אל שׁער המלך בלבושׁ שׂק׃3 ובכל מדינה ומדינה מקום אשׁר דבר המלך ודתו מגיע אבל גדול ליהודים וצום ובכי ומספד שׂק ואפר יצע לרבים׃

Esther 8:15

15 ומרדכי יצא מלפני המלך בלבושׁ מלכות תכלת וחור ועטרת זהב גדולה ותכריך בוץ וארגמן והעיר שׁושׁן צהלה ושׂמחה׃

Esther 9:22

22 כימים אשׁר נחו בהם היהודים מאיביהם והחדשׁ אשׁר נהפך להם מיגון לשׂמחה ומאבל ליום טוב לעשׂות אותם ימי משׁתה ושׂמחה ומשׁלח מנות אישׁ לרעהו ומתנות לאבינים׃

Psalms 23:5

5 תערך לפני שׁלחן נגד צררי דשׁנת בשׁמן ראשׁי כוסי רויה׃

Psalms 30:11

11 (30:12) הפכת מספדי למחול לי פתחת שׂקי ותאזרני שׂמחה׃

Psalms 45:7

7 (45:8) אהבת צדק ותשׂנא רשׁע על כן משׁחך אלהים אלהיך שׁמן שׂשׂון מחבריך׃

Psalms 92:12-15

12 (92:13) צדיק כתמר יפרח כארז בלבנון ישׂגה׃13 (92:14) שׁתולים בבית יהוה בחצרות אלהינו יפריחו׃14 (92:15) עוד ינובון בשׂיבה דשׁנים ורעננים יהיו׃15 (92:16) להגיד כי ישׁר יהוה צורי ולא עלתה׃

Psalms 104:15

15 ויין ישׂמח לבב אנושׁ להצהיל פנים משׁמן ולחם לבב אנושׁ יסעד׃

Ecclesiastes 9:8

8 בכל עת יהיו בגדיך לבנים ושׁמן על ראשׁך אל יחסר׃

Isaiah 12:1

1 ואמרת ביום ההוא אודך יהוה כי אנפת בי ישׁב אפך ותנחמני׃

Isaiah 60:20-21

20 לא יבוא עוד שׁמשׁך וירחך לא יאסף כי יהוה יהיה לך לאור עולם ושׁלמו ימי אבלך׃21 ועמך כלם צדיקים לעולם יירשׁו ארץ נצר מטעו מעשׂה ידי להתפאר׃

Isaiah 61:10

10 שׂושׂ אשׂישׂ ביהוה תגל נפשׁי באלהי כי הלבישׁני בגדי ישׁע מעיל צדקה יעטני כחתן יכהן פאר וככלה תעדה כליה׃

Jeremiah 17:7-8

7 ברוך הגבר אשׁר יבטח ביהוה והיה יהוה מבטחו׃8 והיה כעץ שׁתול על מים ועל יובל ישׁלח שׁרשׁיו ולא ירא כי יבא חם והיה עלהו רענן ובשׁנת בצרת לא ידאג ולא ימישׁ מעשׂות פרי׃

Ezekiel 16:8-13

8 ואעבר עליך ואראך והנה עתך עת דדים ואפרשׂ כנפי עליך ואכסה ערותך ואשׁבע לך ואבוא בברית אתך נאם אדני יהוה ותהיי׃9 וארחצך במים ואשׁטף דמיך מעליך ואסכך בשׁמן׃10 ואלבישׁך רקמה ואנעלך תחשׁ ואחבשׁך בשׁשׁ ואכסך משׁי׃11 ואעדך עדי ואתנה צמידים על ידיך ורביד על גרונך׃12 ואתן נזם על אפך ועגילים על אזניך ועטרת תפארת בראשׁך׃13 ותעדי זהב וכסף ומלבושׁך שׁשׁי ומשׁי ורקמה סלת ודבשׁ ושׁמן אכלתי ותיפי במאד מאד ותצלחי למלוכה׃

Zechariah 3:5

5 ואמר ישׂימו צניף טהור על ראשׁו וישׂימו הצניף הטהור על ראשׁו וילבשׁהו בגדים ומלאך יהוה עמד׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.