Isaiah 49:19 Cross References - HOT

19 כי חרבתיך ושׁממתיך וארץ הרסתיך כי עתה תצרי מיושׁב ורחקו מבלעיך׃

Psalms 56:1-2

1 למנצח על יונת אלם רחקים לדוד מכתם באחז אתו פלשׁתים בגת׃ (56:2) חנני אלהים כי שׁאפני אנושׁ כל היום לחם ילחצני׃2 (56:3) שׁאפו שׁוררי כל היום כי רבים לחמים לי מרום׃

Psalms 124:3

3 אזי חיים בלעונו בחרות אפם׃

Proverbs 1:12

12 נבלעם כשׁאול חיים ותמימים כיורדי בור׃

Isaiah 5:6

6 ואשׁיתהו בתה לא יזמר ולא יעדר ועלה שׁמיר ושׁית ועל העבים אצוה מהמטיר עליו מטר׃

Isaiah 49:8

8 כה אמר יהוה בעת רצון עניתיך וביום ישׁועה עזרתיך ואצרך ואתנך לברית עם להקים ארץ להנחיל נחלות שׁממות׃

Isaiah 49:17

17 מהרו בניך מהרסיך ומחרביך ממך יצאו׃

Isaiah 49:25-26

25 כי כה אמר יהוה גם שׁבי גבור יקח ומלקוח עריץ ימלט ואת יריבך אנכי אריב ואת בניך אנכי אושׁיע׃26 והאכלתי את מוניך את בשׂרם וכעסיס דמם ישׁכרון וידעו כל בשׂר כי אני יהוה מושׁיעך וגאלך אביר יעקב׃

Isaiah 51:3

3 כי נחם יהוה ציון נחם כל חרבתיה וישׂם מדברה כעדן וערבתה כגן יהוה שׂשׂון ושׂמחה ימצא בה תודה וקול זמרה׃

Isaiah 54:1-2

1 רני עקרה לא ילדה פצחי רנה וצהלי לא חלה כי רבים בני שׁוממה מבני בעולה אמר יהוה׃2 הרחיבי מקום אהלך ויריעות משׁכנותיך יטו אל תחשׂכי האריכי מיתריך ויתדתיך חזקי׃

Jeremiah 30:16

16 לכן כל אכליך יאכלו וכל צריך כלם בשׁבי ילכו והיו שׁאסיך למשׁסה וכל בזזיך אתן לבז׃

Jeremiah 30:18-19

18 כה אמר יהוה הנני שׁב שׁבות אהלי יעקוב ומשׁכנתיו ארחם ונבנתה עיר על תלה וארמון על משׁפטו ישׁב׃19 ויצא מהם תודה וקול משׂחקים והרבתים ולא ימעטו והכבדתים ולא יצערו׃

Jeremiah 33:10-11

10 כה אמר יהוה עוד ישׁמע במקום הזה אשׁר אתם אמרים חרב הוא מאין אדם ומאין בהמה בערי יהודה ובחצות ירושׁלם הנשׁמות מאין אדם ומאין יושׁב ומאין בהמה׃11 קול שׂשׂון וקול שׂמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשׁיב את שׁבות הארץ כבראשׁנה אמר יהוה׃

Jeremiah 51:33

33 כי כה אמר יהוה צבאות אלהי ישׂראל בת בבל כגרן עת הדריכה עוד מעט ובאה עת הקציר׃

Jeremiah 51:44

44 ופקדתי על בל בבבל והצאתי את בלעו מפיו ולא ינהרו אליו עוד גוים גם חומת בבל נפלה׃

Ezekiel 36:3

3 לכן הנבא ואמרת כה אמר אדני יהוה יען ביען שׁמות ושׁאף אתכם מסביב להיותכם מורשׁה לשׁארית הגוים ותעלו על שׂפת לשׁון ודבת עם׃

Ezekiel 36:9-15

9 כי הנני אליכם ופניתי אליכם ונעבדתם ונזרעתם׃10 והרביתי עליכם אדם כל בית ישׂראל כלה ונשׁבו הערים והחרבות תבנינה׃11 והרביתי עליכם אדם ובהמה ורבו ופרו והושׁבתי אתכם כקדמותיכם והטבתי מראשׁתיכם וידעתם כי אני יהוה׃12 והולכתי עליכם אדם את עמי ישׂראל וירשׁוך והיית להם לנחלה ולא תוסף עוד לשׁכלם׃13 כה אמר אדני יהוה יען אמרים לכם אכלת אדם אתי ומשׁכלת גויך היית׃14 לכן אדם לא תאכלי עוד וגויך לא תכשׁלי עוד נאם אדני יהוה׃15 ולא אשׁמיע אליך עוד כלמת הגוים וחרפת עמים לא תשׂאי עוד וגויך לא תכשׁלי עוד נאם אדני יהוה׃

Hosea 1:10-11

10 (2:1) והיה מספר בני ישׂראל כחול הים אשׁר לא ימד ולא יספר והיה במקום אשׁר יאמר להם לא עמי אתם יאמר להם בני אל חי׃11 (2:2) ונקבצו בני יהודה ובני ישׂראל יחדו ושׂמו להם ראשׁ אחד ועלו מן הארץ כי גדול יום יזרעאל׃

Zechariah 2:4

4 (2:8) ויאמר אלו רץ דבר אל הנער הלז לאמר פרזות תשׁב ירושׁלם מרב אדם ובהמה בתוכה׃

Zechariah 2:11

11 (2:15) ונלוו גוים רבים אל יהוה ביום ההוא והיו לי לעם ושׁכנתי בתוכך וידעת כי יהוה צבאות שׁלחני אליך׃

Zechariah 10:10

10 והשׁיבותים מארץ מצרים ומאשׁור אקבצם ואל ארץ גלעד ולבנון אביאם ולא ימצא׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.