Isaiah 40:12 Cross References - HOT

12 מי מדד בשׁעלו מים ושׁמים בזרת תכן וכל בשׁלשׁ עפר הארץ ושׁקל בפלס הרים וגבעות במאזנים׃

Job 11:7-9

7 החקר אלוה תמצא אם עד תכלית שׁדי תמצא׃8 גבהי שׁמים מה תפעל עמקה משׁאול מה תדע׃9 ארכה מארץ מדה ורחבה מני ים׃

Job 28:25

25 לעשׂות לרוח משׁקל ומים תכן במדה׃

Job 38:4-11

4 איפה היית ביסדי ארץ הגד אם ידעת בינה׃5 מי שׂם ממדיה כי תדע או מי נטה עליה קו׃6 על מה אדניה הטבעו או מי ירה אבן פנתה׃7 ברן יחד כוכבי בקר ויריעו כל בני אלהים׃8 ויסך בדלתים ים בגיחו מרחם יצא׃9 בשׂומי ענן לבשׁו וערפל חתלתו׃10 ואשׁבר עליו חקי ואשׂים בריח ודלתים׃11 ואמר עד פה תבוא ולא תסיף ופא ישׁית בגאון גליך׃

Psalms 102:25-26

25 (102:26) לפנים הארץ יסדת ומעשׂה ידיך שׁמים׃26 (102:27) המה יאבדו ואתה תעמד וכלם כבגד יבלו כלבושׁ תחליפם ויחלפו׃

Psalms 104:2-3

2 עטה אור כשׂלמה נוטה שׁמים כיריעה׃3 המקרה במים עליותיו השׂם עבים רכובו המהלך על כנפי רוח׃

Proverbs 8:26-28

26 עד לא עשׂה ארץ וחוצות וראשׁ עפרות תבל׃27 בהכינו שׁמים שׁם אני בחוקו חוג על פני תהום׃28 באמצו שׁחקים ממעל בעזוז עינות תהום׃

Proverbs 30:4

4 מי עלה שׁמים וירד מי אסף רוח בחפניו מי צרר מים בשׂמלה מי הקים כל אפסי ארץ מה שׁמו ומה שׁם בנו כי תדע׃

Isaiah 48:13

13 אף ידי יסדה ארץ וימיני טפחה שׁמים קרא אני אליהם יעמדו יחדו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.