Isaiah 22:13 Cross References - HOT

13 והנה שׂשׂון ושׂמחה הרג בקר ושׁחט צאן אכל בשׂר ושׁתות יין אכול ושׁתו כי מחר נמות׃

Isaiah 5:12

12 והיה כנור ונבל תף וחליל ויין משׁתיהם ואת פעל יהוה לא יביטו ומעשׂה ידיו לא ראו׃

Isaiah 5:22

22 הוי גבורים לשׁתות יין ואנשׁי חיל למסך שׁכר׃

Isaiah 21:4-5

4 תעה לבבי פלצות בעתתני את נשׁף חשׁקי שׂם לי לחרדה׃5 ערך השׁלחן צפה הצפית אכול שׁתה קומו השׂרים משׁחו מגן׃

Isaiah 28:7-8

7 וגם אלה ביין שׁגו ובשׁכר תעו כהן ונביא שׁגו בשׁכר נבלעו מן היין תעו מן השׁכר שׁגו בראה פקו פליליה׃8 כי כל שׁלחנות מלאו קיא צאה בלי מקום׃

Isaiah 56:12

12 אתיו אקחה יין ונסבאה שׁכר והיה כזה יום מחר גדול יתר מאד׃

Amos 6:3-7

3 המנדים ליום רע ותגישׁון שׁבת חמס׃4 השׁכבים על מטות שׁן וסרחים על ערשׂותם ואכלים כרים מצאן ועגלים מתוך מרבק׃5 הפרטים על פי הנבל כדויד חשׁבו להם כלי שׁיר׃6 השׁתים במזרקי יין וראשׁית שׁמנים ימשׁחו ולא נחלו על שׁבר יוסף׃7 לכן עתה יגלו בראשׁ גלים וסר מרזח סרוחים׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.