Isaiah 17:7 Cross References - HOT

⁷ ביום ההוא ישׁעה האדם על עשׂהו ועיניו אל קדושׁ ישׂראל תראינה׃

Judges 10:15-16

¹⁵ ויאמרו בני ישׂראל אל יהוה חטאנו עשׂה אתה לנו ככל הטוב בעיניך אך הצילנו נא היום הזה׃¹⁶ ויסירו את אלהי הנכר מקרבם ויעבדו את יהוה ותקצר נפשׁו בעמל ישׂראל׃

2 Chronicles 30:10-11

¹⁰ ויהיו הרצים עברים מעיר לעיר בארץ אפרים ומנשׁה ועד זבלון ויהיו משׂחיקים עליהם ומלעגים׃¹¹ אך אנשׁים מאשׁר ומנשׁה ומזבלון נכנעו ויבאו לירושׁלם׃

¹⁸ כי מרבית העם רבת מאפרים ומנשׁה ישׂשכר וזבלון לא הטהרו כי אכלו את הפסח בלא ככתוב כי התפלל יחזקיהו עליהם לאמר יהוה הטוב יכפר בעד׃¹⁹ כל לבבו הכין לדרושׁ האלהים יהוה אלהי אבותיו ולא כטהרת הקדשׁ׃²⁰ וישׁמע יהוה אל יחזקיהו וירפא את העם׃

2 Chronicles 31:1

¹ וככלות כל זאת יצאו כל ישׂראל הנמצאים לערי יהודה וישׁברו המצבות ויגדעו האשׁרים וינתצו את הבמות ואת המזבחת מכל יהודה ובנימן ובאפרים ומנשׁה עד לכלה וישׁובו כל בני ישׂראל אישׁ לאחזתו לעריהם׃

2 Chronicles 35:17-18

¹⁷ ויעשׂו בני ישׂראל הנמצאים את הפסח בעת ההיא ואת חג המצות שׁבעת ימים׃¹⁸ ולא נעשׂה פסח כמהו בישׂראל מימי שׁמואל הנביא וכל מלכי ישׂראל לא עשׂו כפסח אשׁר עשׂה יאשׁיהו והכהנים והלוים וכל יהודה וישׂראל הנמצא ויושׁבי ירושׁלם׃

Isaiah 10:20-21

²⁰ והיה ביום ההוא לא יוסיף עוד שׁאר ישׂראל ופליטת בית יעקב להשׁען על מכהו ונשׁען על יהוה קדושׁ ישׂראל באמת׃²¹ שׁאר ישׁוב שׁאר יעקב אל אל גבור׃

Isaiah 19:22

²² ונגף יהוה את מצרים נגף ורפוא ושׁבו עד יהוה ונעתר להם ורפאם׃

Isaiah 22:11

¹¹ ומקוה עשׂיתם בין החמתים למי הברכה הישׁנה ולא הבטתם אל עשׂיה ויצרה מרחוק לא ראיתם׃

Isaiah 24:14-15

¹⁴ המה ישׂאו קולם ירנו בגאון יהוה צהלו מים׃¹⁵ על כן בארים כבדו יהוה באיי הים שׁם יהוה אלהי ישׂראל׃

Isaiah 29:18-19

¹⁸ ושׁמעו ביום ההוא החרשׁים דברי ספר ומאפל ומחשׁך עיני עורים תראינה׃¹⁹ ויספו ענוים ביהוה שׂמחה ואביוני אדם בקדושׁ ישׂראל יגילו׃

Isaiah 29:24

²⁴ וידעו תעי רוח בינה ורוגנים ילמדו לקח׃

Jeremiah 3:12-14

¹² הלך וקראת את הדברים האלה צפונה ואמרת שׁובה משׁבה ישׂראל נאם יהוה לוא אפיל פני בכם כי חסיד אני נאם יהוה לא אטור לעולם׃¹³ אך דעי עונך כי ביהוה אלהיך פשׁעת ותפזרי את דרכיך לזרים תחת כל עץ רענן ובקולי לא שׁמעתם נאם יהוה׃¹⁴ שׁובו בנים שׁובבים נאם יהוה כי אנכי בעלתי בכם ולקחתי אתכם אחד מעיר ושׁנים ממשׁפחה והבאתי אתכם ציון׃

Jeremiah 3:18-23

¹⁸ בימים ההמה ילכו בית יהודה על בית ישׂראל ויבאו יחדו מארץ צפון על הארץ אשׁר הנחלתי את אבותיכם׃¹⁹ ואנכי אמרתי איך אשׁיתך בבנים ואתן לך ארץ חמדה נחלת צבי צבאות גוים ואמר אבי תקראו לי ומאחרי לא תשׁובו׃²⁰ אכן בגדה אשׁה מרעה כן בגדתם בי בית ישׂראל נאם יהוה׃²¹ קול על שׁפיים נשׁמע בכי תחנוני בני ישׂראל כי העוו את דרכם שׁכחו את יהוה אלהיהם׃²² שׁובו בנים שׁובבים ארפה משׁובתיכם הננו אתנו לך כי אתה יהוה אלהינו׃²³ אכן לשׁקר מגבעות המון הרים אכן ביהוה אלהינו תשׁועת ישׂראל׃

Jeremiah 31:4-10

⁴ עוד אבנך ונבנית בתולת ישׂראל עוד תעדי תפיך ויצאת במחול משׂחקים׃⁵ עוד תטעי כרמים בהרי שׁמרון נטעו נטעים וחללו׃⁶ כי ישׁ יום קראו נצרים בהר אפרים קומו ונעלה ציון אל יהוה אלהינו׃⁷ כי כה אמר יהוה רנו ליעקב שׂמחה וצהלו בראשׁ הגוים השׁמיעו הללו ואמרו הושׁע יהוה את עמך את שׁארית ישׂראל׃⁸ הנני מביא אותם מארץ צפון וקבצתים מירכתי ארץ בם עור ופסח הרה וילדת יחדו קהל גדול ישׁובו הנה׃⁹ בבכי יבאו ובתחנונים אובילם אוליכם אל נחלי מים בדרך ישׁר לא יכשׁלו בה כי הייתי לישׂראל לאב ואפרים בכרי הוא׃¹⁰ שׁמעו דבר יהוה גוים והגידו באיים ממרחק ואמרו מזרה ישׂראל יקבצנו ושׁמרו כרעה עדרו׃