Isaiah 12:6 Cross References - HOT

6 צהלי ורני יושׁבת ציון כי גדול בקרבך קדושׁ ישׂראל׃

Psalms 9:11

11 (9:12) זמרו ליהוה ישׁב ציון הגידו בעמים עלילותיו׃

Psalms 68:16

16 (68:17) למה תרצדון הרים גבננים ההר חמד אלהים לשׁבתו אף יהוה ישׁכן לנצח׃

Psalms 71:22

22 גם אני אודך בכלי נבל אמתך אלהי אזמרה לך בכנור קדושׁ ישׂראל׃

Psalms 89:18

18 (89:19) כי ליהוה מגננו ולקדושׁ ישׂראל מלכנו׃

Psalms 132:14

14 זאת מנוחתי עדי עד פה אשׁב כי אותיה׃

Isaiah 8:18

18 הנה אנכי והילדים אשׁר נתן לי יהוה לאתות ולמופתים בישׂראל מעם יהוה צבאות השׁכן בהר ציון׃

Isaiah 10:24

24 לכן כה אמר אדני יהוה צבאות אל תירא עמי ישׁב ציון מאשׁור בשׁבט יככה ומטהו ישׂא עליך בדרך מצרים׃

Isaiah 24:23

23 וחפרה הלבנה ובושׁה החמה כי מלך יהוה צבאות בהר ציון ובירושׁלם ונגד זקניו כבוד׃

Isaiah 30:19

19 כי עם בציון ישׁב בירושׁלם בכו לא תבכה חנון יחנך לקול זעקך כשׁמעתו ענך׃

Isaiah 33:24

24 ובל יאמר שׁכן חליתי העם הישׁב בה נשׂא עון׃

Isaiah 40:9

9 על הר גבה עלי לך מבשׂרת ציון הרימי בכח קולך מבשׂרת ירושׁלם הרימי אל תיראי אמרי לערי יהודה הנה אלהיכם׃

Isaiah 41:14

14 אל תיראי תולעת יעקב מתי ישׂראל אני עזרתיך נאם יהוה וגאלך קדושׁ ישׂראל׃

Isaiah 41:16

16 תזרם ורוח תשׂאם וסערה תפיץ אותם ואתה תגיל ביהוה בקדושׁ ישׂראל תתהלל׃

Isaiah 49:26

26 והאכלתי את מוניך את בשׂרם וכעסיס דמם ישׁכרון וידעו כל בשׂר כי אני יהוה מושׁיעך וגאלך אביר יעקב׃

Isaiah 52:7-10

7 מה נאוו על ההרים רגלי מבשׂר משׁמיע שׁלום מבשׂר טוב משׁמיע ישׁועה אמר לציון מלך אלהיך׃8 קול צפיך נשׂאו קול יחדו ירננו כי עין בעין יראו בשׁוב יהוה ציון׃9 פצחו רננו יחדו חרבות ירושׁלם כי נחם יהוה עמו גאל ירושׁלם׃10 חשׂף יהוה את זרוע קדשׁו לעיני כל הגוים וראו כל אפסי ארץ את ישׁועת אלהינו׃

Isaiah 54:1

1 רני עקרה לא ילדה פצחי רנה וצהלי לא חלה כי רבים בני שׁוממה מבני בעולה אמר יהוה׃

Ezekiel 43:7

7 ויאמר אלי בן אדם את מקום כסאי ואת מקום כפות רגלי אשׁר אשׁכן שׁם בתוך בני ישׂראל לעולם ולא יטמאו עוד בית ישׂראל שׁם קדשׁי המה ומלכיהם בזנותם ובפגרי מלכיהם במותם׃

Ezekiel 48:35

35 סביב שׁמנה עשׂר אלף ושׁם העיר מיום יהוה שׁמה׃

Zephaniah 2:5

5 הוי ישׁבי חבל הים גוי כרתים דבר יהוה עליכם כנען ארץ פלשׁתים והאבדתיך מאין יושׁב׃

Zephaniah 3:14-17

14 רני בת ציון הריעו ישׂראל שׂמחי ועלזי בכל לב בת ירושׁלם׃15 הסיר יהוה משׁפטיך פנה איבך מלך ישׂראל יהוה בקרבך לא תיראי רע עוד׃16 ביום ההוא יאמר לירושׁלם אל תיראי ציון אל ירפו ידיך׃17 יהוה אלהיך בקרבך גבור יושׁיע ישׂישׂ עליך בשׂמחה יחרישׁ באהבתו יגיל עליך ברנה׃

Zechariah 2:5

5 (2:9) ואני אהיה לה נאם יהוה חומת אשׁ סביב ולכבוד אהיה בתוכה׃

Zechariah 2:10-11

10 (2:14) רני ושׂמחי בת ציון כי הנני בא ושׁכנתי בתוכך נאם יהוה׃11 (2:15) ונלוו גוים רבים אל יהוה ביום ההוא והיו לי לעם ושׁכנתי בתוכך וידעת כי יהוה צבאות שׁלחני אליך׃

Zechariah 8:3-8

3 כה אמר יהוה שׁבתי אל ציון ושׁכנתי בתוך ירושׁלם ונקראה ירושׁלם עיר האמת והר יהוה צבאות הר הקדשׁ׃4 כה אמר יהוה צבאות עד ישׁבו זקנים וזקנות ברחבות ירושׁלם ואישׁ משׁענתו בידו מרב ימים׃5 ורחבות העיר ימלאו ילדים וילדות משׂחקים ברחבתיה׃6 כה אמר יהוה צבאות כי יפלא בעיני שׁארית העם הזה בימים ההם גם בעיני יפלא נאם יהוה צבאות׃7 כה אמר יהוה צבאות הנני מושׁיע את עמי מארץ מזרח ומארץ מבוא השׁמשׁ׃8 והבאתי אתם ושׁכנו בתוך ירושׁלם והיו לי לעם ואני אהיה להם לאלהים באמת ובצדקה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.