Deuteronomy 18:18 Cross References - HOT

18 נביא אקים להם מקרב אחיהם כמוך ונתתי דברי בפיו ודבר אליהם את כל אשׁר אצונו׃

Exodus 40:26-29

26 וישׂם את מזבח הזהב באהל מועד לפני הפרכת׃27 ויקטר עליו קטרת סמים כאשׁר צוה יהוה את משׁה׃28 וישׂם את מסך הפתח למשׁכן׃29 ואת מזבח העלה שׂם פתח משׁכן אהל מועד ויעל עליו את העלה ואת המנחה כאשׁר צוה יהוה את משׁה׃

Numbers 12:6-8

6 ויאמר שׁמעו נא דברי אם יהיה נביאכם יהוה במראה אליו אתודע בחלום אדבר׃7 לא כן עבדי משׁה בכל ביתי נאמן הוא׃8 פה אל פה אדבר בו ומראה ולא בחידת ותמנת יהוה יביט ומדוע לא יראתם לדבר בעבדי במשׁה׃

Numbers 12:13

13 ויצעק משׁה אל יהוה לאמר אל נא רפא נא׃

Deuteronomy 5:5

5 אנכי עמד בין יהוה וביניכם בעת ההוא להגיד לכם את דבר יהוה כי יראתם מפני האשׁ ולא עליתם בהר לאמר׃

Deuteronomy 18:15

15 נביא מקרבך מאחיך כמני יקים לך יהוה אלהיך אליו תשׁמעון׃

Deuteronomy 33:5

5 ויהי בישׁרון מלך בהתאסף ראשׁי עם יחד שׁבטי ישׂראל׃

Psalms 2:6

6 ואני נסכתי מלכי על ציון הר קדשׁי׃

Psalms 110:4

4 נשׁבע יהוה ולא ינחם אתה כהן לעולם על דברתי מלכי צדק׃

Isaiah 9:6-7

6 (9:5) כי ילד ילד לנו בן נתן לנו ותהי המשׂרה על שׁכמו ויקרא שׁמו פלא יועץ אל גבור אביעד שׂר שׁלום׃7 (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃

Isaiah 50:4

4 אדני יהוה נתן לי לשׁון למודים לדעת לעות את יעף דבר יעיר בבקר בבקר יעיר לי אזן לשׁמע כלמודים׃

Isaiah 51:16

16 ואשׂים דברי בפיך ובצל ידי כסיתיך לנטע שׁמים וליסד ארץ ולאמר לציון עמי אתה׃

Zechariah 6:12-13

12 ואמרת אליו לאמר כה אמר יהוה צבאות לאמר הנה אישׁ צמח שׁמו ומתחתיו יצמח ובנה את היכל יהוה׃13 והוא יבנה את היכל יהוה והוא ישׂא הוד וישׁב ומשׁל על כסאו והיה כהן על כסאו ועצת שׁלום תהיה בין שׁניהם׃

Malachi 3:1

1 הנני שׁלח מלאכי ופנה דרך לפני ופתאם יבוא אל היכלו האדון אשׁר אתם מבקשׁים ומלאך הברית אשׁר אתם חפצים הנה בא אמר יהוה צבאות׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.