Daniel 6:4 Cross References - HOT

4 (6:5) אדין סרכיא ואחשׁדרפניא הוו בעין עלה להשׁכחה לדניאל מצד מלכותא וכל עלה ושׁחיתה לא יכלין להשׁכחה כל קבל די מהימן הוא וכל שׁלו ושׁחיתה לא השׁתכחת עלוהי׃

Genesis 43:18

18 וייראו האנשׁים כי הובאו בית יוסף ויאמרו על דבר הכסף השׁב באמתחתינו בתחלה אנחנו מובאים להתגלל עלינו ולהתנפל עלינו ולקחת אתנו לעבדים ואת חמרינו׃

Judges 14:4

4 ואביו ואמו לא ידעו כי מיהוה היא כי תאנה הוא מבקשׁ מפלשׁתים ובעת ההיא פלשׁתים משׁלים בישׂראל׃

1 Samuel 18:14

14 ויהי דוד לכל דרכו משׂכיל ויהוה עמו׃

1 Samuel 19:4-5

4 וידבר יהונתן בדוד טוב אל שׁאול אביו ויאמר אליו אל יחטא המלך בעבדו בדוד כי לוא חטא לך וכי מעשׂיו טוב לך מאד׃5 וישׂם את נפשׁו בכפו ויך את הפלשׁתי ויעשׂ יהוה תשׁועה גדולה לכל ישׂראל ראית ותשׂמח ולמה תחטא בדם נקי להמית את דוד חנם׃

1 Samuel 22:14

14 ויען אחימלך את המלך ויאמר ומי בכל עבדיך כדוד נאמן וחתן המלך וסר אל משׁמעתך ונכבד בביתך׃

Psalms 37:12-13

12 זמם רשׁע לצדיק וחרק עליו שׁניו׃13 אדני ישׂחק לו כי ראה כי יבא יומו׃

Psalms 37:32-33

32 צופה רשׁע לצדיק ומבקשׁ להמיתו׃33 יהוה לא יעזבנו בידו ולא ירשׁיענו בהשׁפטו׃

Proverbs 29:27

27 תועבת צדיקים אישׁ עול ותועבת רשׁע ישׁר דרך׃

Ecclesiastes 4:4

4 וראיתי אני את כל עמל ואת כל כשׁרון המעשׂה כי היא קנאת אישׁ מרעהו גם זה הבל ורעות רוח׃

Jeremiah 18:18

18 ויאמרו לכו ונחשׁבה על ירמיהו מחשׁבות כי לא תאבד תורה מכהן ועצה מחכם ודבר מנביא לכו ונכהו בלשׁון ואל נקשׁיבה אל כל דבריו׃

Jeremiah 18:23

23 ואתה יהוה ידעת את כל עצתם עלי למות אל תכפר על עונם וחטאתם מלפניך אל תמחי והיו מכשׁלים לפניך בעת אפך עשׂה׃

Jeremiah 20:10

10 כי שׁמעתי דבת רבים מגור מסביב הגידו ונגידנו כל אנושׁ שׁלומי שׁמרי צלעי אולי יפתה ונוכלה לו ונקחה נקמתנו ממנו׃

Daniel 3:8

8 כל קבל דנה בה זמנא קרבו גברין כשׂדאין ואכלו קרציהון די יהודיא׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.