Daniel 4:24 Cross References - HOT

24 (4:21) דנה פשׁרא מלכא וגזרת עליא היא די מטת על מראי מלכא׃

Job 1:12-19

12 ויאמר יהוה אל השׂטן הנה כל אשׁר לו בידך רק אליו אל תשׁלח ידך ויצא השׂטן מעם פני יהוה׃13 ויהי היום ובניו ובנתיו אכלים ושׁתים יין בבית אחיהם הבכור׃14 ומלאך בא אל איוב ויאמר הבקר היו חרשׁות והאתנות רעות על ידיהם׃15 ותפל שׁבא ותקחם ואת הנערים הכו לפי חרב ואמלטה רק אני לבדי להגיד׃16 עוד זה מדבר וזה בא ויאמר אשׁ אלהים נפלה מן השׁמים ותבער בצאן ובנערים ותאכלם ואמלטה רק אני לבדי להגיד׃17 עוד זה מדבר וזה בא ויאמר כשׂדים שׂמו שׁלשׁה ראשׁים ויפשׁטו על הגמלים ויקחום ואת הנערים הכו לפי חרב ואמלטה רק אני לבדי להגיד׃18 עד זה מדבר וזה בא ויאמר בניך ובנותיך אכלים ושׁתים יין בבית אחיהם הבכור׃19 והנה רוח גדולה באה מעבר המדבר ויגע בארבע פנות הבית ויפל על הנערים וימותו ואמלטה רק אני לבדי להגיד׃

Job 20:29

29 זה חלק אדם רשׁע מאלהים ונחלת אמרו מאל׃

Job 40:11-12

11 הפץ עברות אפך וראה כל גאה והשׁפילהו׃12 ראה כל גאה הכניעהו והדך רשׁעים תחתם׃

Psalms 2:7

7 אספרה אל חק יהוה אמר אלי בני אתה אני היום ילדתיך׃

Psalms 107:40

40 שׁפך בוז על נדיבים ויתעם בתהו לא דרך׃

Psalms 148:6

6 ויעמידם לעד לעולם חק נתן ולא יעבור׃

Isaiah 14:24-27

24 נשׁבע יהוה צבאות לאמר אם לא כאשׁר דמיתי כן היתה וכאשׁר יעצתי היא תקום׃25 לשׁבר אשׁור בארצי ועל הרי אבוסנו וסר מעליהם עלו וסבלו מעל שׁכמו יסור׃26 זאת העצה היעוצה על כל הארץ וזאת היד הנטויה על כל הגוים׃27 כי יהוה צבאות יעץ ומי יפר וידו הנטויה ומי ישׁיבנה׃

Isaiah 23:9

9 יהוה צבאות יעצה לחלל גאון כל צבי להקל כל נכבדי ארץ׃

Isaiah 46:10-11

10 מגיד מראשׁית אחרית ומקדם אשׁר לא נעשׂו אמר עצתי תקום וכל חפצי אעשׂה׃11 קרא ממזרח עיט מארץ מרחק אישׁ עצתו אף דברתי אף אביאנה יצרתי אף אעשׂנה׃

Daniel 4:17

17 (4:14) בגזרת עירין פתגמא ומאמר קדישׁין שׁאלתא עד דברת די ינדעון חייא די שׁליט עליא במלכות אנושׁא ולמן די יצבא יתננה ושׁפל אנשׁים יקים עליה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.