Daniel 11:22 Cross References - HOT

22 וזרעות השׁטף ישׁטפו מלפניו וישׁברו וגם נגיד ברית׃

Isaiah 8:7-8

7 ולכן הנה אדני מעלה עליהם את מי הנהר העצומים והרבים את מלך אשׁור ואת כל כבודו ועלה על כל אפיקיו והלך על כל גדותיו׃8 וחלף ביהודה שׁטף ועבר עד צואר יגיע והיה מטות כנפיו מלא רחב ארצך עמנו אל׃

Daniel 8:10-11

10 ותגדל עד צבא השׁמים ותפל ארצה מן הצבא ומן הכוכבים ותרמסם׃11 ועד שׂר הצבא הגדיל וממנו הרים התמיד והשׁלך מכון מקדשׁו׃

Daniel 8:25

25 ועל שׂכלו והצליח מרמה בידו ובלבבו יגדיל ובשׁלוה ישׁחית רבים ועל שׂר שׂרים יעמד ובאפס יד ישׁבר׃

Daniel 9:26

26 ואחרי השׁבעים שׁשׁים ושׁנים יכרת משׁיח ואין לו והעיר והקדשׁ ישׁחית עם נגיד הבא וקצו בשׁטף ועד קץ מלחמה נחרצת שׁממות׃

Daniel 11:10

10 ובנו יתגרו ואספו המון חילים רבים ובא בוא ושׁטף ועבר וישׁב ויתגרו עד מעזה׃

Amos 8:8

8 העל זאת לא תרגז הארץ ואבל כל יושׁב בה ועלתה כאר כלה ונגרשׁה ונשׁקה כיאור מצרים׃

Amos 9:5

5 ואדני יהוה הצבאות הנוגע בארץ ותמוג ואבלו כל יושׁבי בה ועלתה כיאר כלה ושׁקעה כיאר מצרים׃

Nahum 1:8

8 ובשׁטף עבר כלה יעשׂה מקומה ואיביו ירדף חשׁך׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.