Daniel 10:2 Cross References - HOT

2 בימים ההם אני דניאל הייתי מתאבל שׁלשׁה שׁבעים ימים׃

Ezra 9:4-5

4 ואלי יאספו כל חרד בדברי אלהי ישׂראל על מעל הגולה ואני ישׁב משׁומם עד למנחת הערב׃5 ובמנחת הערב קמתי מתעניתי ובקרעי בגדי ומעילי ואכרעה על ברכי ואפרשׂה כפי אל יהוה אלהי׃

Nehemiah 1:4

4 ויהי כשׁמעי את הדברים האלה ישׁבתי ואבכה ואתאבלה ימים ואהי צם ומתפלל לפני אלהי השׁמים׃

Psalms 42:9

9 (42:10) אומרה לאל סלעי למה שׁכחתני למה קדר אלך בלחץ אויב׃

Psalms 43:2

2 כי אתה אלהי מעוזי למה זנחתני למה קדר אתהלך בלחץ אויב׃

Psalms 137:1-5

1 על נהרות בבל שׁם ישׁבנו גם בכינו בזכרנו את ציון׃2 על ערבים בתוכה תלינו כנרותינו׃3 כי שׁם שׁאלונו שׁובינו דברי שׁיר ותוללינו שׂמחה שׁירו לנו משׁיר ציון׃4 איך נשׁיר את שׁיר יהוה על אדמת נכר׃5 אם אשׁכחך ירושׁלם תשׁכח ימיני׃

Isaiah 66:10

10 שׂמחו את ירושׁלם וגילו בה כל אהביה שׂישׂו אתה משׂושׂ כל המתאבלים עליה׃

Jeremiah 9:1

1 (8:23) מי יתן ראשׁי מים ועיני מקור דמעה ואבכה יומם ולילה את חללי בת עמי׃

Daniel 9:24-27

24 שׁבעים שׁבעים נחתך על עמך ועל עיר קדשׁך לכלא הפשׁע ולחתם חטאות ולכפר עון ולהביא צדק עלמים ולחתם חזון ונביא ולמשׁח קדשׁ קדשׁים׃25 ותדע ותשׂכל מן מצא דבר להשׁיב ולבנות ירושׁלם עד משׁיח נגיד שׁבעים שׁבעה ושׁבעים שׁשׁים ושׁנים תשׁוב ונבנתה רחוב וחרוץ ובצוק העתים׃26 ואחרי השׁבעים שׁשׁים ושׁנים יכרת משׁיח ואין לו והעיר והקדשׁ ישׁחית עם נגיד הבא וקצו בשׁטף ועד קץ מלחמה נחרצת שׁממות׃27 והגביר ברית לרבים שׁבוע אחד וחצי השׁבוע ישׁבית זבח ומנחה ועל כנף שׁקוצים משׁמם ועד כלה ונחרצה תתך על שׁמם׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.