2 Samuel 22:28 Cross References - HOT

28 ואת עם עני תושׁיע ועיניך על רמים תשׁפיל׃

Exodus 3:7-8

7 ויאמר יהוה ראה ראיתי את עני עמי אשׁר במצרים ואת צעקתם שׁמעתי מפני נגשׂיו כי ידעתי את מכאביו׃8 וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבשׁ אל מקום הכנעני והחתי והאמרי והפרזי והחוי והיבוסי׃

Exodus 9:14-17

14 כי בפעם הזאת אני שׁלח את כל מגפתי אל לבך ובעבדיך ובעמך בעבור תדע כי אין כמני בכל הארץ׃15 כי עתה שׁלחתי את ידי ואך אותך ואת עמך בדבר ותכחד מן הארץ׃16 ואולם בעבור זאת העמדתיך בעבור הראתך את כחי ולמען ספר שׁמי בכל הארץ׃17 עודך מסתולל בעמי לבלתי שׁלחם׃

Exodus 10:3

3 ויבא משׁה ואהרן אל פרעה ויאמרו אליו כה אמר יהוה אלהי העברים עד מתי מאנת לענת מפני שׁלח עמי ויעבדני׃

Exodus 18:11

11 עתה ידעתי כי גדול יהוה מכל האלהים כי בדבר אשׁר זדו עליהם׃

Job 40:11-12

11 הפץ עברות אפך וראה כל גאה והשׁפילהו׃12 ראה כל גאה הכניעהו והדך רשׁעים תחתם׃

Psalms 12:5

5 (12:6) משׁד עניים מאנקת אביונים עתה אקום יאמר יהוה אשׁית בישׁע יפיח׃

Psalms 72:12-13

12 כי יציל אביון משׁוע ועני ואין עזר׃13 יחס על דל ואביון ונפשׁות אביונים יושׁיע׃

Psalms 138:6

6 כי רם יהוה ושׁפל יראה וגבה ממרחק יידע׃

Psalms 140:12

12 (140:13) ידעת כי יעשׂה יהוה דין עני משׁפט אבינים׃

Proverbs 21:4

4 רום עינים ורחב לב נר רשׁעים חטאת׃

Isaiah 2:11-12

11 עיני גבהות אדם שׁפל ושׁח רום אנשׁים ונשׂגב יהוה לבדו ביום ההוא׃12 כי יום ליהוה צבאות על כל גאה ורם ועל כל נשׂא ושׁפל׃

Isaiah 2:17

17 ושׁח גבהות האדם ושׁפל רום אנשׁים ונשׂגב יהוה לבדו ביום ההוא׃

Isaiah 5:15

15 וישׁח אדם וישׁפל אישׁ ועיני גבהים תשׁפלנה׃

Isaiah 37:23

23 את מי חרפת וגדפת ועל מי הרימותה קול ותשׂא מרום עיניך אל קדושׁ ישׂראל׃

Isaiah 37:28-29

28 ושׁבתך וצאתך ובואך ידעתי ואת התרגזך אלי׃29 יען התרגזך אלי ושׁאננך עלה באזני ושׂמתי חחי באפך ומתגי בשׂפתיך והשׁיבתיך בדרך אשׁר באת׃

Isaiah 61:1-3

1 רוח אדני יהוה עלי יען משׁח יהוה אתי לבשׂר ענוים שׁלחני לחבשׁ לנשׁברי לב לקרא לשׁבוים דרור ולאסורים פקח קוח׃2 לקרא שׁנת רצון ליהוה ויום נקם לאלהינו לנחם כל אבלים׃3 לשׂום לאבלי ציון לתת להם פאר תחת אפר שׁמן שׂשׂון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

Isaiah 63:9

9 בכל צרתם לא צר ומלאך פניו הושׁיעם באהבתו ובחמלתו הוא גאלם וינטלם וינשׂאם כל ימי עולם׃

Daniel 4:37

37 (4:34) כען אנה נבוכדנצר משׁבח ומרומם ומהדר למלך שׁמיא די כל מעבדוהי קשׁט וארחתה דין ודי מהלכין בגוה יכל להשׁפלה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.