18 ויהי אחרי כן ותהי עוד המלחמה בגוב עם פלשׁתים אז הכה סבכי החשׁתי את סף אשׁר בילדי הרפה׃
2 Samuel 21:18 Cross References - HOT
2 Samuel 21:16
16 וישׁבו בנב אשׁר בילידי הרפה ומשׁקל קינו שׁלשׁ מאות משׁקל נחשׁת והוא חגור חדשׁה ויאמר להכות את דוד׃
2 Samuel 21:20
20 ותהי עוד מלחמה בגת ויהי אישׁ מדין ואצבעת ידיו ואצבעות רגליו שׁשׁ ושׁשׁ עשׂרים וארבע מספר וגם הוא ילד להרפה׃
2 Samuel 21:22
22 את ארבעת אלה ילדו להרפה בגת ויפלו ביד דוד וביד עבדיו׃
1 Chronicles 11:29
29 סבכי החשׁתי עילי האחוחי׃
1 Chronicles 20:4-8
4 ויהי אחריכן ותעמד מלחמה בגזר עם פלשׁתים אז הכה סבכי החשׁתי את ספי מילדי הרפאים ויכנעו׃5 ותהי עוד מלחמה את פלשׁתים ויך אלחנן בן יעור את לחמי אחי גלית הגתי ועץ חניתו כמנור ארגים׃6 ותהי עוד מלחמה בגת ויהי אישׁ מדה ואצבעתיו שׁשׁ ושׁשׁ עשׂרים וארבע וגם הוא נולד להרפא׃7 ויחרף את ישׂראל ויכהו יהונתן בן שׁמעא אחי דויד׃8 אל נולדו להרפא בגת ויפלו ביד דויד וביד עבדיו׃
1 Chronicles 27:11
11 השׁמיני לחדשׁ השׁמיני סבכי החשׁתי לזרחי ועל מחלקתו עשׂרים וארבעה אלף׃