2 Chronicles 24:25 Cross References - HOT

25 ובלכתם ממנו כי עזבו אתו במחליים רבים התקשׁרו עליו עבדיו בדמי בני יהוידע הכהן ויהרגהו על מטתו וימת ויקברהו בעיר דויד ולא קברהו בקברות המלכים׃

2 Kings 12:20-21

20 (12:21) ויקמו עבדיו ויקשׁרו קשׁר ויכו את יואשׁ בית מלא היורד סלא׃21 (12:22) ויוזבד בן שׁמעת ויהוזבד בן שׁמר עבדיו הכהו וימת ויקברו אתו עם אבתיו בעיר דוד וימלך אמציה בנו תחתיו׃

2 Kings 14:19-20

19 ויקשׁרו עליו קשׁר בירושׁלם וינס לכישׁה וישׁלחו אחריו לכישׁה וימתהו שׁם׃20 וישׂאו אתו על הסוסים ויקבר בירושׁלם עם אבתיו בעיר דוד׃

2 Chronicles 21:16

16 ויער יהוה על יהורם את רוח הפלשׁתים והערבים אשׁר על יד כושׁים׃

2 Chronicles 21:18-20

18 ואחרי כל זאת נגפו יהוה במעיו לחלי לאין מרפא׃19 ויהי לימים מימים וכעת צאת הקץ לימים שׁנים יצאו מעיו עם חליו וימת בתחלאים רעים ולא עשׂו לו עמו שׂרפה כשׂרפת אבתיו׃20 בן שׁלשׁים ושׁתים היה במלכו ושׁמונה שׁנים מלך בירושׁלם וילך בלא חמדה ויקברהו בעיר דויד ולא בקברות המלכים׃

2 Chronicles 22:6

6 וישׁב להתרפא ביזרעאל כי המכים אשׁר הכהו ברמה בהלחמו את חזהאל מלך ארם ועזריהו בן יהורם מלך יהודה ירד לראות את יהורם בן אחאב ביזרעאל כי חלה הוא׃

2 Chronicles 24:16

16 ויקברהו בעיר דויד עם המלכים כי עשׂה טובה בישׂראל ועם האלהים וביתו׃

2 Chronicles 24:21-22

21 ויקשׁרו עליו וירגמהו אבן במצות המלך בחצר בית יהוה׃22 ולא זכר יואשׁ המלך החסד אשׁר עשׂה יהוידע אביו עמו ויהרג את בנו וכמותו אמר ירא יהוה וידרשׁ׃

2 Chronicles 28:27

27 וישׁכב אחז עם אבתיו ויקברהו בעיר בירושׁלם כי לא הביאהו לקברי מלכי ישׂראל וימלך יחזקיהו בנו תחתיו׃

Psalms 10:14

14 ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.