12 ויתנהו המלך ויהוידע אל עושׂה מלאכת עבודת בית יהוה ויהיו שׂכרים חצבים וחרשׁים לחדשׁ בית יהוה וגם לחרשׁי ברזל ונחשׁת לחזק את בית יהוה׃
2 Chronicles 24:12 Cross References - HOT
1 Kings 5:15
15 (5:29) ויהי לשׁלמה שׁבעים אלף נשׂא סבל ושׁמנים אלף חצב בהר׃
2 Chronicles 34:9-11
9 ויבאו אל חלקיהו הכהן הגדול ויתנו את הכסף המובא בית אלהים אשׁר אספו הלוים שׁמרי הסף מיד מנשׁה ואפרים ומכל שׁארית ישׂראל ומכל יהודה ובנימן וישׁבי ירושׁלם׃10 ויתנו על יד עשׂה המלאכה המפקדים בבית יהוה ויתנו אתו עושׂי המלאכה אשׁר עשׂים בבית יהוה לבדוק ולחזק הבית׃11 ויתנו לחרשׁים ולבנים לקנות אבני מחצב ועצים למחברות ולקרות את הבתים אשׁר השׁחיתו מלכי יהודה׃