27 כי האמנם ישׁב אלהים על הארץ הנה השׁמים ושׁמי השׁמים לא יכלכלוך אף כי הבית הזה אשׁר בניתי׃
1 Kings 8:27 Cross References - HOT
Deuteronomy 10:14
14 הן ליהוה אלהיך השׁמים ושׁמי השׁמים הארץ וכל אשׁר׃
2 Chronicles 2:6
6 (2:5) ומי יעצר כח לבנות לו בית כי השׁמים ושׁמי השׁמים לא יכלכלהו ומי אני אשׁר אבנה לו בית כי אם להקטיר לפניו׃
2 Chronicles 6:18
18 כי האמנם ישׁב אלהים את האדם על הארץ הנה שׁמים ושׁמי השׁמים לא יכלכלוך אף כי הבית הזה אשׁר בניתי׃
Psalms 113:4
4 רם על כל גוים יהוה על השׁמים כבודו׃
Psalms 139:7-16
7 אנה אלך מרוחך ואנה מפניך אברח׃8 אם אסק שׁמים שׁם אתה ואציעה שׁאול הנך׃9 אשׂא כנפי שׁחר אשׁכנה באחרית ים׃10 גם שׁם ידך תנחני ותאחזני ימינך׃11 ואמר אך חשׁך ישׁופני ולילה אור בעדני׃12 גם חשׁך לא יחשׁיך ממך ולילה כיום יאיר כחשׁיכה כאורה׃13 כי אתה קנית כליתי תסכני בבטן אמי׃14 אודך על כי נוראות נפליתי נפלאים מעשׂיך ונפשׁי ידעת מאד׃15 לא נכחד עצמי ממך אשׁר עשׂיתי בסתר רקמתי בתחתיות ארץ׃16 גלמי ראו עיניך ועל ספרך כלם יכתבו ימים יצרו ולא אחד׃
Isaiah 66:1
1 כה אמר יהוה השׁמים כסאי והארץ הדם רגלי אי זה בית אשׁר תבנו לי ואי זה מקום מנוחתי׃
Jeremiah 23:24
24 אם יסתר אישׁ במסתרים ואני לא אראנו נאם יהוה הלוא את השׁמים ואת הארץ אני מלא נאם יהוה׃