1 Kings 6:23 Cross References - HOT

²³ ויעשׂ בדביר שׁני כרובים עצי שׁמן עשׂר אמות קומתו׃

Genesis 3:24

²⁴ ויגרשׁ את האדם וישׁכן מקדם לגן עדן את הכרבים ואת להט החרב המתהפכת לשׁמר את דרך עץ החיים׃

¹⁸ ועשׂית שׁנים כרבים זהב מקשׁה תעשׂה אתם משׁני קצות הכפרת׃¹⁹ ועשׂה כרוב אחד מקצה מזה וכרוב אחד מקצה מזה מן הכפרת תעשׂו את הכרבים על שׁני קצותיו׃²⁰ והיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת יהיו פני הכרבים׃²¹ ונתת את הכפרת על הארן מלמעלה ואל הארן תתן את העדת אשׁר אתן אליך׃²² ונועדתי לך שׁם ודברתי אתך מעל הכפרת מבין שׁני הכרבים אשׁר על ארון העדת את כל אשׁר אצוה אותך אל בני ישׂראל׃

Exodus 37:7-9

⁷ ויעשׂ שׁני כרבים זהב מקשׁה עשׂה אתם משׁני קצות הכפרת׃⁸ כרוב אחד מקצה מזה וכרוב אחד מקצה מזה מן הכפרת עשׂה את הכרבים משׁני קצוותו׃⁹ ויהיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת היו פני הכרבים׃

2 Chronicles 3:10-13

¹⁰ ויעשׂ בבית קדשׁ הקדשׁים כרובים שׁנים מעשׂה צעצעים ויצפו אתם זהב׃¹¹ וכנפי הכרובים ארכם אמות עשׂרים כנף האחד לאמות חמשׁ מגעת לקיר הבית והכנף האחרת אמות חמשׁ מגיע לכנף הכרוב האחר׃¹² וכנף הכרוב האחד אמות חמשׁ מגיע לקיר הבית והכנף האחרת אמות חמשׁ דבקה לכנף הכרוב האחר׃¹³ כנפי הכרובים האלה פרשׂים אמות עשׂרים והם עמדים על רגליהם ופניהם לבית׃

Psalms 18:10

¹⁰ (18:11) וירכב על כרוב ויעף וידא על כנפי רוח׃

Psalms 80:1

¹ למנצח אל שׁשׁנים עדות לאסף מזמור׃ (80:2) רעה ישׂראל האזינה נהג כצאן יוסף ישׁב הכרובים הופיעה׃

Isaiah 37:16

¹⁶ יהוה צבאות אלהי ישׂראל ישׁב הכרבים אתה הוא האלהים לבדך לכל ממלכות הארץ אתה עשׂית את השׁמים ואת הארץ׃

Ezekiel 10:2-22

² ויאמר אל האישׁ לבשׁ הבדים ויאמר בא אל בינות לגלגל אל תחת לכרוב ומלא חפניך גחלי אשׁ מבינות לכרבים וזרק על העיר ויבא לעיני׃³ והכרבים עמדים מימין לבית בבאו האישׁ והענן מלא את החצר הפנימית׃⁴ וירם כבוד יהוה מעל הכרוב על מפתן הבית וימלא הבית את הענן והחצר מלאה את נגה כבוד יהוה׃⁵ וקול כנפי הכרובים נשׁמע עד החצר החיצנה כקול אל שׁדי בדברו׃⁶ ויהי בצותו את האישׁ לבשׁ הבדים לאמר קח אשׁ מבינות לגלגל מבינות לכרובים ויבא ויעמד אצל האופן׃⁷ וישׁלח הכרוב את ידו מבינות לכרובים אל האשׁ אשׁר בינות הכרבים וישׂא ויתן אל חפני לבשׁ הבדים ויקח ויצא׃⁸ וירא לכרבים תבנית יד אדם תחת כנפיהם׃⁹ ואראה והנה ארבעה אופנים אצל הכרובים אופן אחד אצל הכרוב אחד ואופן אחד אצל הכרוב אחד ומראה האופנים כעין אבן תרשׁישׁ׃¹⁰ ומראיהם דמות אחד לארבעתם כאשׁר יהיה האופן בתוך האופן׃¹¹ בלכתם אל ארבעת רבעיהם ילכו לא יסבו בלכתם כי המקום אשׁר יפנה הראשׁ אחריו ילכו לא יסבו בלכתם׃¹² וכל בשׂרם וגבהם וידיהם וכנפיהם והאופנים מלאים עינים סביב לארבעתם אופניהם׃¹³ לאופנים להם קורא הגלגל באזני׃¹⁴ וארבעה פנים לאחד פני האחד פני הכרוב ופני השׁני פני אדם והשׁלישׁי פני אריה והרביעי פני נשׁר׃¹⁵ וירמו הכרובים היא החיה אשׁר ראיתי בנהר כבר׃¹⁶ ובלכת הכרובים ילכו האופנים אצלם ובשׂאת הכרובים את כנפיהם לרום מעל הארץ לא יסבו האופנים גם הם מאצלם׃¹⁷ בעמדם יעמדו וברומם ירומו אותם כי רוח החיה׃¹⁸ ויצא כבוד יהוה מעל מפתן הבית ויעמד על הכרובים׃¹⁹ וישׂאו הכרובים את כנפיהם וירומו מן הארץ לעיני בצאתם והאופנים לעמתם ויעמד פתח שׁער בית יהוה הקדמוני וכבוד אלהי ישׂראל עליהם מלמעלה׃²⁰ היא החיה אשׁר ראיתי תחת אלהי ישׂראל בנהר כבר ואדע כי כרובים המה׃²¹ ארבעה ארבעה פנים לאחד וארבע כנפים לאחד ודמות ידי אדם תחת כנפיהם׃²² ודמות פניהם המה הפנים אשׁר ראיתי על נהר כבר מראיהם ואותם אישׁ אל עבר פניו ילכו׃