29 ויחנו אלה נכח אלה שׁבעת ימים ויהי ביום השׁביעי ותקרב המלחמה ויכו בני ישׂראל את ארם מאה אלף רגלי ביום אחד׃
1 Kings 20:29 Cross References - HOT
Joshua 6:15
15 ויהי ביום השׁביעי וישׁכמו כעלות השׁחר ויסבו את העיר כמשׁפט הזה שׁבע פעמים רק ביום ההוא סבבו את העיר שׁבע פעמים׃
1 Samuel 17:16
16 ויגשׁ הפלשׁתי השׁכם והערב ויתיצב ארבעים יום׃
2 Samuel 10:18
18 וינס ארם מפני ישׂראל ויהרג דוד מארם שׁבע מאות רכב וארבעים אלף פרשׁים ואת שׁובך שׂר צבאו הכה וימת שׁם׃
2 Chronicles 13:17
17 ויכו בהם אביה ועמו מכה רבה ויפלו חללים מישׂראל חמשׁ מאות אלף אישׁ בחור׃
2 Chronicles 20:23-25
23 ויעמדו בני עמון ומואב על ישׁבי הר שׂעיר להחרים ולהשׁמיד וככלותם ביושׁבי שׂעיר עזרו אישׁ ברעהו למשׁחית׃24 ויהודה בא על המצפה למדבר ויפנו אל ההמון והנם פגרים נפלים ארצה ואין פליטה׃25 ויבא יהושׁפט ועמו לבז את שׁללם וימצאו בהם לרב ורכושׁ ופגרים וכלי חמדות וינצלו להם לאין משׂא ויהיו ימים שׁלושׁה בזזים את השׁלל כי רב הוא׃
2 Chronicles 28:6
6 ויהרג פקח בן רמליהו ביהודה מאה ועשׂרים אלף ביום אחד הכל בני חיל בעזבם את יהוה אלהי אבותם׃
Psalms 10:16
16 יהוה מלך עולם ועד אבדו גוים מארצו׃
Isaiah 37:36
36 ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃