1 Chronicles 6:49 Cross References - HOT

⁴⁹ (6:34) ואהרן ובניו מקטירים על מזבח העולה ועל מזבח הקטרת לכל מלאכת קדשׁ הקדשׁים ולכפר על ישׂראל ככל אשׁר צוה משׁה עבד האלהים׃

Exodus 27:1-8

¹ ועשׂית את המזבח עצי שׁטים חמשׁ אמות ארך וחמשׁ אמות רחב רבוע יהיה המזבח ושׁלשׁ אמות קמתו׃² ועשׂית קרנתיו על ארבע פנתיו ממנו תהיין קרנתיו וצפית אתו נחשׁת׃³ ועשׂית סירתיו לדשׁנו ויעיו ומזרקתיו ומזלגתיו ומחתתיו לכל כליו תעשׂה נחשׁת׃⁴ ועשׂית לו מכבר מעשׂה רשׁת נחשׁת ועשׂית על הרשׁת ארבע טבעת נחשׁת על ארבע קצותיו׃⁵ ונתתה אתה תחת כרכב המזבח מלמטה והיתה הרשׁת עד חצי המזבח׃⁶ ועשׂית בדים למזבח בדי עצי שׁטים וצפית אתם נחשׁת׃⁷ והובא את בדיו בטבעת והיו הבדים על שׁתי צלעת המזבח בשׂאת אתו׃⁸ נבוב לחת תעשׂה אתו כאשׁר הראה אתך בהר כן יעשׂו׃

Exodus 29:33

³³ ואכלו אתם אשׁר כפר בהם למלא את ידם לקדשׁ אתם וזר לא יאכל כי קדשׁ הם׃

Exodus 29:36-37

³⁶ ופר חטאת תעשׂה ליום על הכפרים וחטאת על המזבח בכפרך עליו ומשׁחת אתו לקדשׁו׃³⁷ שׁבעת ימים תכפר על המזבח וקדשׁת אתו והיה המזבח קדשׁ קדשׁים כל הנגע במזבח יקדשׁ׃

Exodus 30:1-7

¹ ועשׂית מזבח מקטר קטרת עצי שׁטים תעשׂה אתו׃² אמה ארכו ואמה רחבו רבוע יהיה ואמתים קמתו ממנו קרנתיו׃³ וצפית אתו זהב טהור את גגו ואת קירתיו סביב ואת קרנתיו ועשׂית לו זר זהב סביב׃⁴ ושׁתי טבעת זהב תעשׂה לו מתחת לזרו על שׁתי צלעתיו תעשׂה על שׁני צדיו והיה לבתים לבדים לשׂאת אתו בהמה׃⁵ ועשׂית את הבדים עצי שׁטים וצפית אתם זהב׃⁶ ונתתה אתו לפני הפרכת אשׁר על ארן העדת לפני הכפרת אשׁר על העדת אשׁר אועד לך שׁמה׃⁷ והקטיר עליו אהרן קטרת סמים בבקר בבקר בהיטיבו את הנרת יקטירנה׃

Exodus 30:10-16

¹⁰ וכפר אהרן על קרנתיו אחת בשׁנה מדם חטאת הכפרים אחת בשׁנה יכפר עליו לדרתיכם קדשׁ קדשׁים הוא ליהוה׃¹¹ וידבר יהוה אל משׁה לאמר׃¹² כי תשׂא את ראשׁ בני ישׂראל לפקדיהם ונתנו אישׁ כפר נפשׁו ליהוה בפקד אתם ולא יהיה בהם נגף בפקד אתם׃¹³ זה יתנו כל העבר על הפקדים מחצית השׁקל בשׁקל הקדשׁ עשׂרים גרה השׁקל מחצית השׁקל תרומה ליהוה׃¹⁴ כל העבר על הפקדים מבן עשׂרים שׁנה ומעלה יתן תרומת יהוה׃¹⁵ העשׁיר לא ירבה והדל לא ימעיט ממחצית השׁקל לתת את תרומת יהוה לכפר על נפשׁתיכם׃¹⁶ ולקחת את כסף הכפרים מאת בני ישׂראל ונתת אתו על עבדת אהל מועד והיה לבני ישׂראל לזכרון לפני יהוה לכפר על נפשׁתיכם׃

Leviticus 1:5

⁵ ושׁחט את בן הבקר לפני יהוה והקריבו בני אהרן הכהנים את הדם וזרקו את הדם על המזבח סביב אשׁר פתח אהל מועד׃

Leviticus 1:7-9

⁷ ונתנו בני אהרן הכהן אשׁ על המזבח וערכו עצים על האשׁ׃⁸ וערכו בני אהרן הכהנים את הנתחים את הראשׁ ואת הפדר על העצים אשׁר על האשׁ אשׁר על המזבח׃⁹ וקרבו וכרעיו ירחץ במים והקטיר הכהן את הכל המזבחה עלה אשׁה ריח ניחוח ליהוה׃

Leviticus 4:20

²⁰ ועשׂה לפר כאשׁר עשׂה לפר החטאת כן יעשׂה לו וכפר עלהם הכהן ונסלח להם׃

Leviticus 8:1-10

¹ וידבר יהוה אל משׁה לאמר׃² קח את אהרן ואת בניו אתו ואת הבגדים ואת שׁמן המשׁחה ואת פר החטאת ואת שׁני האילים ואת סל המצות׃³ ואת כל העדה הקהל אל פתח אהל מועד׃⁴ ויעשׂ משׁה כאשׁר צוה יהוה אתו ותקהל העדה אל פתח אהל מועד׃⁵ ויאמר משׁה אל העדה זה הדבר אשׁר צוה יהוה לעשׂות׃⁶ ויקרב משׁה את אהרן ואת בניו וירחץ אתם במים׃⁷ ויתן עליו את הכתנת ויחגר אתו באבנט וילבשׁ אתו את המעיל ויתן עליו את האפד ויחגר אתו בחשׁב האפד ויאפד \'ec\'e5⁸ וישׂם עליו את החשׁן ויתן אל החשׁן את האורים ואת התמים׃⁹ וישׂם את המצנפת על ראשׁו וישׂם על המצנפת אל מול פניו את ציץ הזהב נזר הקדשׁ כאשׁר צוה יהוה את משׁה׃¹⁰ ויקח משׁה את שׁמן המשׁחה וימשׁח את המשׁכן ואת כל אשׁר בו ויקדשׁ אתם׃

Leviticus 21:1-22

¹ ויאמר יהוה אל משׁה אמר אל הכהנים בני אהרן ואמרת אלהם לנפשׁ לא יטמא בעמיו׃² כי אם לשׁארו הקרב אליו לאמו ולאביו ולבנו ולבתו ולאחיו׃³ ולאחתו הבתולה הקרובה אליו אשׁר לא היתה לאישׁ לה יטמא׃⁴ לא יטמא בעל בעמיו להחלו׃⁵ לא יקרחה קרחה בראשׁם ופאת זקנם לא יגלחו ובבשׂרם לא ישׂרטו שׂרטת׃⁶ קדשׁים יהיו לאלהיהם ולא יחללו שׁם אלהיהם כי את אשׁי יהוה לחם אלהיהם הם מקריבם והיו קדשׁ׃⁷ אשׁה זנה וחללה לא יקחו ואשׁה גרושׁה מאישׁה לא יקחו כי קדשׁ הוא לאלהיו׃⁸ וקדשׁתו כי את לחם אלהיך הוא מקריב קדשׁ יהיה לך כי קדושׁ אני יהוה מקדשׁכם׃⁹ ובת אישׁ כהן כי תחל לזנות את אביה היא מחללת באשׁ תשׂרף׃¹⁰ והכהן הגדול מאחיו אשׁר יוצק על ראשׁו שׁמן המשׁחה ומלא את ידו ללבשׁ את הבגדים את ראשׁו לא יפרע ובגדיו לא יפרם׃¹¹ ועל כל נפשׁת מת לא יבא לאביו ולאמו לא יטמא׃¹² ומן המקדשׁ לא יצא ולא יחלל את מקדשׁ אלהיו כי נזר שׁמן משׁחת אלהיו עליו אני יהוה׃¹³ והוא אשׁה בבתוליה יקח׃¹⁴ אלמנה וגרושׁה וחללה זנה את אלה לא יקח כי אם בתולה מעמיו יקח אשׁה׃¹⁵ ולא יחלל זרעו בעמיו כי אני יהוה מקדשׁו׃¹⁶ וידבר יהוה אל משׁה לאמר׃¹⁷ דבר אל אהרן לאמר אישׁ מזרעך לדרתם אשׁר יהיה בו מום לא יקרב להקריב לחם אלהיו׃¹⁸ כי כל אישׁ אשׁר בו מום לא יקרב אישׁ עור או פסח או חרם או שׂרוע׃¹⁹ או אישׁ אשׁר יהיה בו שׁבר רגל או שׁבר יד׃²⁰ או גבן או דק או תבלל בעינו או גרב או ילפת או מרוח אשׁך׃²¹ כל אישׁ אשׁר בו מום מזרע אהרן הכהן לא יגשׁ להקריב את אשׁי יהוה מום בו את לחם אלהיו לא יגשׁ להקריב׃²² לחם אלהיו מקדשׁי הקדשׁים ומן הקדשׁים יאכל׃

Numbers 15:25

²⁵ וכפר הכהן על כל עדת בני ישׂראל ונסלח להם כי שׁגגה הוא והם הביאו את קרבנם אשׁה ליהוה וחטאתם לפני יהוה על שׁגגתם׃

Numbers 16:16-17:13

¹⁶ ויאמר משׁה אל קרח אתה וכל עדתך היו לפני יהוה אתה והם ואהרן מחר׃

Deuteronomy 18:1-8

¹ לא יהיה לכהנים הלוים כל שׁבט לוי חלק ונחלה עם ישׂראל אשׁי יהוה ונחלתו יאכלון׃² ונחלה לא יהיה לו בקרב אחיו יהוה הוא נחלתו כאשׁר דבר׃³ וזה יהיה משׁפט הכהנים מאת העם מאת זבחי הזבח אם שׁור אם שׂה ונתן לכהן הזרע והלחיים והקבה׃⁴ ראשׁית דגנך תירשׁך ויצהרך וראשׁית גז צאנך תתן׃⁵ כי בו בחר יהוה אלהיך מכל שׁבטיך לעמד לשׁרת בשׁם יהוה הוא ובניו כל הימים׃⁶ וכי יבא הלוי מאחד שׁעריך מכל ישׂראל אשׁר הוא גר שׁם ובא בכל אות נפשׁו אל המקום אשׁר יבחר יהוה׃⁷ ושׁרת בשׁם יהוה אלהיו ככל אחיו הלוים העמדים שׁם לפני יהוה׃⁸ חלק כחלק יאכלו לבד ממכריו על האבות׃